Memleket basshysy Qasym-Jomart Toqaevtyń tapsyrmasy boiynsha jariialanǵan «Zań jáne tártip» aptalyǵy aiasynda Astanada Qazaqstan Respýblikasy Ishki ister ministrliginiń Basqarý akademiiasynyń ashylýy ótti. Akademiianyń ashylýyna Premer-ministr Oljas Bektenov qatysty,- dep habarlaidy Dalanews.kz
Premer-ministr Oljas Bektenov quttyqtaý sózinde jańa oqý orny Prezidenttiń qoǵamdyq qaýipsizdikti nyǵaitý, memlekettik basqarýdyń tiimdiligin arttyrý jáne kadrlyq áleýetti jańǵyrtý jónindegi júieli saiasatynyń aiasynda júzege asyrylyp otyrǵan asa qadam ekenin atap ótti.
Sońǵy jyldary aǵymdaǵy syn-qaterlerge qarsy kúresti kúsheitý baǵytynda naqty sharalar qabyldandy. Atap aitqanda, Esirtki qylmysyna qarsy is-qimyl komiteti quryldy, kiberqaýipterge jáne turmystyq zorlyq-zombylyqqa qarsy is-qimyl boiynsha mamandandyrylǵan bólimsheler ashyldy, tsifrly infraqurylym men taldamalyq baza nyǵaitylyp jatyr.
«Akademiianyń qurylýy – Memleket basshysy jariialaǵan quqyq qorǵaý júiesiniń damý jolyndaǵy eleýli kezeń. Bizdiń mindetimiz – kadrlyq áleýetti nyǵaitý arqyly quqyqtyq tártipti qamtamasyz etýdiń jańa modelin engizý. Institýtsionaldyq reformalar quqyq qorǵaý organdarynyń servistik modelin damytýǵa yqpalyn tigizedi. Prezident usynǵan basym baǵyt – azamattardyń qaýipsizdigi jáne “Zań jáne tártip” qaǵidatyn qamtamasyz etý», - dep atap ótti Oljas Bektenov.
Prezidenttiń tapsyrmasy boiynsha iske qosylǵan quqyq qorǵaý organdaryn qaita jańǵyrtý – strategiialyq oilai alatyn basqarýshylar býynyn qalyptastyrýǵa múmkindik beredi. Sondai-aq tehnologiialyq novatsiialardy engizý quraldaryn keńeitip, jahandyq tsifrlandyrý jáne jasandy intellektini jappai engizý jaǵdaiynda kóshbasshylyq pen básekege qabiletti jumystyń zamanaýi tásilderin meńgerýge jol ashady.
Akademiianyń ashylýy barysynda Oljas Bektenov sonymen qatar oqý orny infraqurylymymen, jáne quqyq qorǵaý organdary qoldanatyn zamanaýi tehnologiialarmen, atap aitqanda tsifrly zerthana, tsifrly sheshimder aýditoriiasy, jol qaýipsizdigin qamtamasyz etýde jasandy intellekti kómegimen taldaý, kiriktirilgen radar ornatylǵan patrýldik avtomobilderdi qashyqtan baqylaý platformasy, robottandyrylǵan tehnika, «aqyldy kózildirik» jáne basqa da ozyq tehnologiialarmen tanysty. Ishki ister ministri Erjan Sádenov Premer-ministrge vedomstvoaralyq joǵary akademiialyq kýrs tyńdaýshylaryn synaqtan ótkizý nátijelerin kórsetti.
Akademiia baǵdarlamasy basqarý quzirettiligini damytýǵa, zamanaýi tásilderdi meńgerýge baǵyttalǵan. Jyl saiyn munda basshylyq quramdy daiarlaý baǵyttary boiynsha 100-den astam adam, sondai-aq magistratýra jáne doktorantýra baǵdarlamalary boiynsha 30 adam bilim alady. Búginde Akademiia ishki ister organdarynyń aýmaqtyq bólimshelerinen tyńdaýshylardyń alǵashqy legin daiyndaýdy bastady.
IIM Basqarý akademiiasynyń ashylýyna Bas prokýratýra, Ulttyq qaýipsizdik komiteti, Joǵarǵy Sot Keńesi, ministrlikter, ákimdikter basshylyǵy, Parlament depýtattary, IIM Qoǵamdyq keńesiniń músheleri, IIM júiesindegi JOO basshylyǵy men oqytýshylary, salalyq vedomstvolardyń sheteldik delegatsiialary, halyqaralyq uiymdardyń, ǵylymi jáne saraptamalyq qoǵamdastyqtyń, sondai-aq jeke sektor ókilderi qatysty.
