مەملەكەت باسشىسى قاسىم-جومارت توقاەۆتىڭ تاپسىرماسى بويىنشا جارييالانعان «زاڭ جەنە تەرتٸپ» اپتالىعى اياسىندا استانادا قازاقستان رەسپۋبليكاسى ٸشكٸ ٸستەر مينيسترلٸگٸنٸڭ باسقارۋ اكادەميياسىنىڭ اشىلۋى ٶتتٸ. اكادەمييانىڭ اشىلۋىنا پرەمەر-مينيستر ولجاس بەكتەنوۆ قاتىستى,- دەپ حابارلايدى Dalanews.kz
پرەمەر-مينيستر ولجاس بەكتەنوۆ قۇتتىقتاۋ سٶزٸندە جاڭا وقۋ ورنى پرەزيدەنتتٸڭ قوعامدىق قاۋٸپسٸزدٸكتٸ نىعايتۋ, مەملەكەتتٸك باسقارۋدىڭ تيٸمدٸلٸگٸن ارتتىرۋ جەنە كادرلىق ەلەۋەتتٸ جاڭعىرتۋ جٶنٸندەگٸ جٷيەلٸ ساياساتىنىڭ اياسىندا جٷزەگە اسىرىلىپ وتىرعان اسا قادام ەكەنٸن اتاپ ٶتتٸ.
سوڭعى جىلدارى اعىمداعى سىن-قاتەرلەرگە قارسى كٷرەستٸ كٷشەيتۋ باعىتىندا ناقتى شارالار قابىلداندى. اتاپ ايتقاندا, ەسٸرتكٸ قىلمىسىنا قارسى ٸس-قيمىل كوميتەتٸ قۇرىلدى, كيبەرقاۋٸپتەرگە جەنە تۇرمىستىق زورلىق-زومبىلىققا قارسى ٸس-قيمىل بويىنشا مامانداندىرىلعان بٶلٸمشەلەر اشىلدى, تسيفرلى ينفراقۇرىلىم مەن تالدامالىق بازا نىعايتىلىپ جاتىر.
«اكادەمييانىڭ قۇرىلۋى – مەملەكەت باسشىسى جارييالاعان قۇقىق قورعاۋ جٷيەسٸنٸڭ دامۋ جولىنداعى ەلەۋلٸ كەزەڭ. بٸزدٸڭ مٸندەتٸمٸز – كادرلىق ەلەۋەتتٸ نىعايتۋ ارقىلى قۇقىقتىق تەرتٸپتٸ قامتاماسىز ەتۋدٸڭ جاڭا مودەلٸن ەنگٸزۋ. ينستيتۋتسيونالدىق رەفورمالار قۇقىق قورعاۋ ورگاندارىنىڭ سەرۆيستٸك مودەلٸن دامىتۋعا ىقپالىن تيگٸزەدٸ. پرەزيدەنت ۇسىنعان باسىم باعىت – ازاماتتاردىڭ قاۋٸپسٸزدٸگٸ جەنە “زاڭ جەنە تەرتٸپ” قاعيداتىن قامتاماسىز ەتۋ», - دەپ اتاپ ٶتتٸ ولجاس بەكتەنوۆ.
پرەزيدەنتتٸڭ تاپسىرماسى بويىنشا ٸسكە قوسىلعان قۇقىق قورعاۋ ورگاندارىن قايتا جاڭعىرتۋ – ستراتەگييالىق ويلاي الاتىن باسقارۋشىلار بۋىنىن قالىپتاستىرۋعا مٷمكٸندٸك بەرەدٸ. سونداي-اق تەحنولوگييالىق نوۆاتسييالاردى ەنگٸزۋ قۇرالدارىن كەڭەيتٸپ, جاھاندىق تسيفرلاندىرۋ جەنە جاساندى ينتەللەكتٸنٸ جاپپاي ەنگٸزۋ جاعدايىندا كٶشباسشىلىق پەن بەسەكەگە قابٸلەتتٸ جۇمىستىڭ زاماناۋي تەسٸلدەرٸن مەڭگەرۋگە جول اشادى.
اكادەمييانىڭ اشىلۋى بارىسىندا ولجاس بەكتەنوۆ سونىمەن قاتار وقۋ ورنى ينفراقۇرىلىمىمەن, جەنە قۇقىق قورعاۋ ورگاندارى قولداناتىن زاماناۋي تەحنولوگييالارمەن, اتاپ ايتقاندا تسيفرلى زەرتحانا, تسيفرلى شەشٸمدەر اۋديتوريياسى, جول قاۋٸپسٸزدٸگٸن قامتاماسىز ەتۋدە جاساندى ينتەللەكتٸ كٶمەگٸمەن تالداۋ, كٸرٸكتٸرٸلگەن رادار ورناتىلعان پاترۋلدٸك اۆتوموبيلدەردٸ قاشىقتان باقىلاۋ پلاتفورماسى, روبوتتاندىرىلعان تەحنيكا, «اقىلدى كٶزٸلدٸرٸك» جەنە باسقا دا وزىق تەحنولوگييالارمەن تانىستى. ٸشكٸ ٸستەر مينيسترٸ ەرجان سەدەنوۆ پرەمەر-مينيسترگە ۆەدومستۆوارالىق جوعارى اكادەمييالىق كۋرس تىڭداۋشىلارىن سىناقتان ٶتكٸزۋ نەتيجەلەرٸن كٶرسەتتٸ.
اكادەمييا باعدارلاماسى باسقارۋ قۇزٸرەتتٸلٸگٸنٸ دامىتۋعا, زاماناۋي تەسٸلدەردٸ مەڭگەرۋگە باعىتتالعان. جىل سايىن مۇندا باسشىلىق قۇرامدى دايارلاۋ باعىتتارى بويىنشا 100-دەن استام ادام, سونداي-اق ماگيستراتۋرا جەنە دوكتورانتۋرا باعدارلامالارى بويىنشا 30 ادام بٸلٸم الادى. بٷگٸندە اكادەمييا ٸشكٸ ٸستەر ورگاندارىنىڭ اۋماقتىق بٶلٸمشەلەرٸنەن تىڭداۋشىلاردىڭ العاشقى لەگٸن دايىنداۋدى باستادى.
ٸٸم باسقارۋ اكادەميياسىنىڭ اشىلۋىنا باس پروكۋراتۋرا, ۇلتتىق قاۋٸپسٸزدٸك كوميتەتٸ, جوعارعى سوت كەڭەسٸ, مينيسترلٸكتەر, ەكٸمدٸكتەر باسشىلىعى, پارلامەنت دەپۋتاتتارى, ٸٸم قوعامدىق كەڭەسٸنٸڭ مٷشەلەرٸ, ٸٸم جٷيەسٸندەگٸ جوو باسشىلىعى مەن وقىتۋشىلارى, سالالىق ۆەدومستۆولاردىڭ شەتەلدٸك دەلەگاتسييالارى, حالىقارالىق ۇيىمداردىڭ, عىلىمي جەنە ساراپتامالىق قوعامداستىقتىڭ, سونداي-اق جەكە سەكتور ٶكٸلدەرٸ قاتىستى.
