Jambyl oblysynda eks-depýtat Baqytjan Bazarbek jol apatyna túsip, saldarynan bir adam zardap shekti. Oqiǵa Turar Rysqulov aýdany aýmaǵynda, Lýgovoe aýylynyń mańynda bolǵan, dep habarlaidy dalanews.kz.
Aldyn ala málimet boiynsha, joldyń osy bóliginde buǵan deiin ózge mashina maldy qaǵyp ketken. Jolda janýardyń óleksesi qalǵan. Ony alyp tastaý úshin er adam kólik jolyna shyqqan sátte Toyota kóligi qaǵyp ketken. Kólik tizgininde Baqytjan Bazarbek bolǵan.
Jaraqat alǵan er adam aýrýhanaǵa jetkizilip, jansaqtaý bólimine jatqyzylǵan. Qazir onyń jaǵdaiy dárigerlerdiń baqylaýynda.
Jol apatynan keiin Bazarbek meditsinalyq kýálandyrýdan ótken. Tekserý nátijesinde onyń aǵzasynan alkogol anyqtalmaǵan.
Jambyl oblysynyń politsiia departamenti jol-kólik oqiǵasy bolǵanyn rastady. Atalǵan fakti boiynsha qylmystyq is qozǵalǵan.
«T. Rysqulov aýdanynda bolǵan jol-kólik oqiǵasy boiynsha qylmystyq is qozǵaldy. Aldyn ala málimet boiynsha, Toyota markaly avtokóliktiń júrgizýshisi B. joldyń júris bóliginde bolǵan er adamdy qaǵyp ketken. Jol apaty saldarynan zardap shegýshi aýdandyq ortalyq aýrýhananyń jansaqtaý bólimine jetkizildi. Qazirgi ýaqytta qajetti tergeý amaldary júrgizilýde», – dep habarlady politsiia.
Oqiǵanyń naqty sebepteri men mán-jaiy tergeý barysynda anyqtalady.
