Áleýmettik jelilerde tanymal qazaqstandyqtyń atynan saiasi partiiany qoldaýǵa shaqyratyn jáne aqsha ýáde etetin jalǵan jariialanym taralyp jatyr. Bul aqparat shyndyqqa janaspaidy, dep habarlaidy dalanews.kz.
Jalǵan aqparatqa qarsy is-qimyl ortalyǵy Quryltai depýtattaryn sailaý aldyndaǵy úgit-nasihat kezeńinde jalǵan aqparat pen manipýliatsiialyq kontenttiń taralý qaýpi artqanyn málimdedi.
Ortalyq kommýnikatsiialar qyzmetiniń málimetinshe, áleýmettik jelilerde tanymal qazaqstandyqtyń beinesi paidalanylǵan jalǵan jariialanym anyqtalǵan. Onda azamattar belgili bir saiasi partiiany qoldaýǵa jáne buqaralyq is-sharaǵa qatysýǵa shaqyrylyp, qoldaý bildirgenderge aqshalai syiaqy beriletini týraly jalǵan aqparat taratylǵan.
Atalǵan jariialanymda esimi kórsetilgen tulǵa bul málimetti resmi túrde joqqa shyǵaryp, onyń jalǵan ekenin málimdegen.
Ortalyq sailaý zańnamasyna sáikes azamattyń jazbasha kelisiminsiz onyń beinesin úgit materialdarynda paidalanýǵa tyiym salynatynyn eske saldy. Sondai-aq kandidatqa nemese saiasi partiiaǵa qoldaý kórsetý úshin aqsha, taýar, qyzmet, qaiyrymdylyq nemese ózge de materialdyq igilik usyný arqyly úgit júrgizýge zańmen tyiym salynǵan.
Budan bólek, taralyp jatqan jariialanymda resmi túrde rastalmaǵan buqaralyq is-sharaǵa qatysýǵa shaqyrýlar bar. Mundai ruqsat etilmegen is-sharalarǵa qatysý zańnamaǵa sáikes jaýapkershilikke ákelýi múmkin.
Ortalyq azamattardy sailaý naýqanyna qatysty aqparatty tek resmi derekkózderden alýǵa jáne tekserilmegen habarlamalardy taratpaýǵa shaqyrdy.
