Izrail qorǵanys ministri Israel Katstyń málimdeýinshe, 28 aqpanda Izrail qorǵanys kúshteri (TsAHAL) Iranǵa shabýyl jasaǵan. Ministr elde tótenshe jaǵdai jariialaǵanyn aitty, azamattarǵa bombaǵa qarsy baspanalarǵa jaqyn bolý jáne saqtyq sharalaryn saqtaý eskertildi, dep habarlaidy Dalanews.kz.
Senbide Izrailde bilim berý mekemeleri men keńselerdiń jumysy toqtatyldy, jinalystar men qoǵamdyq sharalar ýaqytsha shekteldi. Áskeriler júrgizýshilerge múmkindiginshe sapardan aýlaq bolýǵa keńes berip otyr. TsAHAL bul dabyldy turǵyndardy Irannan kelýi múmkin raketalyq shabýyldarǵa daiyndaý maqsatynda jariialaǵan.
Iran aqparat agenttikteriniń habarlaýynsha, Izrail raketalary Tegerandaǵy Daneshgah dańǵyly men Djomhýri aýdanyn nysanaǵa alǵan. Pastýr aýdanynan tútin baiqalǵan. Áleýmettik jelilerde keminde bes jarylys bolǵanyn kórsetetin videolar jariialanyp jatyr.
Qazir Izrail men Iran arasyndaǵy jaǵdai shielenisip tur, elde qaýipsizdik sharalary kúsheitilgen. Azamattardan saqtyqty kúsheitý jáne resmi habarlamalardy qadaǵalaý suraldy.
