يزرايل قورعانىس ءمينيسترى يسراەل كاستىڭ مالىمدەۋىنشە، 28 اقپاندا يزرايل قورعانىس كۇشتەرى (ساحال) يرانعا شابۋىل جاساعان. مينيستر ەلدە توتەنشە جاعداي جاريالاعانىن ايتتى، ازاماتتارعا بومباعا قارسى باسپانالارعا جاقىن بولۋ جانە ساقتىق شارالارىن ساقتاۋ ەسكەرتىلدى، دەپ حابارلايدى Dalanews.kz.
سەنبىدە يزرايلدە ءبىلىم بەرۋ مەكەمەلەرى مەن كەڭسەلەردىڭ جۇمىسى توقتاتىلدى، جينالىستار مەن قوعامدىق شارالار ۋاقىتشا شەكتەلدى. اسكەريلەر جۇرگىزۋشىلەرگە مۇمكىندىگىنشە ساپاردان اۋلاق بولۋعا كەڭەس بەرىپ وتىر. ساحال بۇل دابىلدى تۇرعىنداردى يراننان كەلۋى مۇمكىن راكەتالىق شابۋىلدارعا دايىنداۋ ماقساتىندا جاريالاعان.
يران اقپارات اگەنتتىكتەرىنىڭ حابارلاۋىنشا، يزرايل راكەتالارى تەگەرانداعى دانەشگاح داڭعىلى مەن دجومحۋري اۋدانىن نىساناعا العان. پاستۋر اۋدانىنان ءتۇتىن بايقالعان. الەۋمەتتىك جەلىلەردە كەمىندە بەس جارىلىس بولعانىن كورسەتەتىن ۆيدەولار جاريالانىپ جاتىر.
ءقازىر يزرايل مەن يران اراسىنداعى جاعداي شيەلەنىسىپ تۇر، ەلدە قاۋىپسىزدىك شارالارى كۇشەيتىلگەن. ازاماتتاردان ساقتىقتى كۇشەيتۋ جانە رەسمي حابارلامالاردى قاداعالاۋ سۇرالدى.
