Izraıl ókilderi beıresmı túrde AQSH ákimshiligine Iranǵa qatysty yqtımal áskerı sharalardy keıinge shegerýdi usyndy, dep habarlaıdy Dalanews.kz.
NBC News málimetinshe, ızraıl tarapy AQSH-tyń Irandaǵy rejımdi ózgertýge baǵyttalǵan umtylysyn qoldaıtynyn bildirgenimen, syrtqy áskerı aralasý «narazylyq bildirýshiler bastaǵan prosesti aıaqtaýǵa kedergi keltirýi múmkin» ekenin eskertken. Onyń ornyna Izraıl bıligi rejımdi álsiretýge jáne sherýshilerdi qoldaýǵa baǵyttalǵan balama qadamdardy usynǵan.
Atap aıtqanda, bul qatarda Irandaǵy ınternet baılanysyn jaqsartý, ekonomıkalyq sanksıalardy kúsheıtý jáne kıbershabýyldar jasaý sıaqty sharalar bar.
Jarıalanymda arab elderiniń bir sheneýnigi qazirgi tańda Iranǵa qarsy AQSH-tyń áskerı áreketterine kórshi memleketter tarapynan «erekshe qulshynys joq» ekenin aıtqan. Al taǵy bir derekkóz «Izraıl nemese AQSH tarapynan kez kelgen shabýyl ne shıelenis ırandyqtardy biriktirip jiberýi múmkin» degen alańdaýshylyq bildirgen.
