Qazaqstanda Cassa Depositi e Prestiti memlekettik bankiniń nesie jelisi ashylýda. Bul jaiynda Qazaqstannyń Saýda jáne integratsiia ministri Arman Shaqqaliev pen Italiianyń syrtqy ister ministriniń orynbasary Edmondo Chiriellidiń eki jaqty kezdesý barysynda málim boldy, dep habarlaidy Dalanews.kz.
Arman Shaqqalievtiń aitýynsha, Italiia Eýropalyq Odaq elderi arasynda Qazaqstannyń negizgi saýda seriktesteriniń biri bolyp tabylady.
2023 jyly eki el arasyndaǵy jalpy taýar ainalymy 16,1 mlrd dollardy qurady, bul ótken jylmen salystyrǵanda 7,8%-ǵa kóp. Qazaqstannan Italiiaǵa eksport 14,8 mlrd dollarǵa jetti, al import 1,2 mlrd dollardy qurady, bul ósimniń oń dinamikasyn kórsetip otyr. Saýda-sattyqtyń ósýi aǵymdaǵy jyly da jalǵasyn tapty. 2024 jyldyń segiz aiynda saýda kólemi 33%-ǵa ósip, 13,8 mlrd dollardy qurady, bul rette qazaqstandyq ónimniń eksporty 36% -ǵa artyp, 12,9 mlrd dollarǵa jetti.
Saýda jáne integratsiia ministri Arman Shaqqaliev 29 qazanda Astanada ekonomikalyq yntymaqtastyq jónindegi Qazaqstan-Italiia úkimetaralyq jumys tobynyń (ÚAK) 9-shy otyrysy ótkenin atap ótti. Otyrys Memleket basshysy Qasym-Jomart Toqaevtyń qańtar aiynda Italiiaǵa saparynan keiingi tapsyrmasy sheńberinde ótti jáne saýda-ekonomikalyq máselelerdi talqylaýda mańyzdy ról atqarady.
Óz kezeginde italiiandyq qonaq Edmondo Chirielli shaqyrǵany úshin alǵysyn bildirip, kezdesýdiń mańyzdylyǵyn atap ótti.
"Bizdiń saýda-ekonomikalyq saladaǵy qarym-qatynasymyz nyǵaia túsetinine senimdimiz. Qazaqstan Ortalyq Aziiada negizgi orynǵa ie jáne Eýropany óńirmen bailanystyrady. Ekijaqty saýda kólemi edáýir ósti jáne biz qol jetkizilgen nátijelerge qanaǵattanamyz. Biz Qazaqstanda Cassa Depositi e Prestiti memlekettik bankiniń nesie jelisin ashýdy josparlap otyrmyz. Eki el arasyndaǵy qarym-qatynastyń dami beretinine senimdimiz. Bul kezdesýlerdi ótkizý bizdiń yntymaqtastyǵymyzdyń alty jyldyq kezeńin aiaqtaǵan mańyzdy kezeń boldy", - dedi Italiianyń syrtqy ister ministriniń orynbasary.
