Islandiia premer-ministri "Panamageit" daýynan soń qyzmetinen ketedi
Associated Press agenttigi el prezidentiniń ázirge Gýnnlioigssonnyń qyzmetinen ketý týraly ótinishin qabyldaǵany týraly rastamaǵanyn habarlaidy. Dúisenbi kúni myńdaǵan islandyqtar Reikiavikte parlament ǵimaratynyń aldynda mitingke shyqty. Olar birqatar eldiń basshylarynyń jemqorlyǵyn áshkerelegen halyqaralyq jýrnalistik zertteýdiń keiipkerine ainalǵan premer-ministrdiń ornynan ketýin talap etti. Panamalyq Mossack Fonseca zańgerlik kompaniiasyna qatysty zertteý qujattarynda islandiialyq premer-ministr men onyń zaiybynyń ofshorlyq kompaniiasy bar ekeni týraly jazylǵan. Ol jóninde saiasatker 2009 jyly parlamentke sailanǵanda tis jarmaǵan.
Islandiialyqtar Gýnnlioigsson men onyń otbasy eshkimge aitpastan shetelde qomaqty qarjy ustaitynyna narazy. Islandiianyń ózinde 2008 jyldan beri valiýtalyq retteýdiń qatań sharalary jumys isteidi jáne kapital ákelý men ony syrtqa shyǵarýǵa edáýir shektei qoiylǵan. Mossack Fonseca qujattarynda Gýnnlioigsson otbasynyń qarjysy muragerlikpen berilgeni kórsetilgen.
