Associated Press اگەنتتىگى ەل پرەزيدەنتىنىڭ ازىرگە گۋننلويگسسوننىڭ قىزمەتىنەن كەتۋ تۋرالى ءوتىنىشىن قابىلداعانى تۋرالى راستاماعانىن حابارلايدى. دۇيسەنبى كۇنى مىڭداعان يسلاندىقتار رەيكياۆيكتە پارلامەنت عيماراتىنىڭ الدىندا ميتينگكە شىقتى. ولار ءبىرقاتار ەلدىڭ باسشىلارىنىڭ جەمقورلىعىن اشكەرەلەگەن حالىقارالىق جۋرناليستىك زەرتتەۋدىڭ كەيىپكەرىنە اينالعان پرەمەر-مينيستردىڭ ورنىنان كەتۋىن تالاپ ەتتى. پانامالىق Mossack Fonseca زاڭگەرلىك كومپانياسىنا قاتىستى زەرتتەۋ قۇجاتتارىندا يسلانديالىق پرەمەر-مينيستر مەن ونىڭ زايىبىنىڭ وفشورلىق كومپانياسى بار ەكەنى تۋرالى جازىلعان. ول جونىندە ساياساتكەر 2009 جىلى پارلامەنتكە سايلانعاندا ءتىس جارماعان.
يسلانديالىقتار گۋننلويگسسون مەن ونىڭ وتباسى ەشكىمگە ايتپاستان شەتەلدە قوماقتى قارجى ۇستايتىنىنا نارازى. يسلانديانىڭ وزىندە 2008 جىلدان بەرى ۆاليۋتالىق رەتتەۋدىڭ قاتاڭ شارالارى جۇمىس ىستەيدى جانە كاپيتال اكەلۋ مەن ونى سىرتقا شىعارۋعا ەداۋىر شەكتەي قويىلعان. Mossack Fonseca قۇجاتتارىندا گۋننلويگسسون وتباسىنىڭ قارجىسى مۇراگەرلىكپەن بەرىلگەنى كورسەتىلگەن.
