Ózbekstan prezıdentiniń kishi qyzy Lola Kárimova- Tılıaeva óziniń Facebook-tegi jeke paraqshasynda ákesiniń basyna qan ketip, aýrýhanaǵa jatqyzylǵanyn jazdy.
«Túrli alyp-qashpa sóz órbimes úshin, men ózimniń áleýmettik jelidegi paraqshamda ótken demalys kúnderi bizdiń otbasymyzda ákeme qatysty bolǵan qaıǵyly jaǵdaımen bóliskim kelip otyr. Senbi kúni tańerteń meniń ákemniń basyna qan ketip, aýrýhananyń jansaqtaý bólimine jatqyzyldy. Jaǵdaıy turaqty dep baǵalanady. Dál qazir onyń bolashaq jaǵdaıyna qatysty qandaı da bir boljamdar jasaýǵa áli erte. Men adamdardan sypsyń sóz órbitpeı, otbasymyzdyń quqyǵyn, jeke qundylyǵyn syılaýdy ótinemin. Al ákeme duǵa jasap, qoldaý jasaǵysy keletinderge aldyn ala rızashylyǵymdy bildirgim keledi„ dep jazady Lola Kárimova-Tılláeva.
Búgin Ózbekstannyń úkimeti el prezıdentiniń syrqattanyp, aýrýhanaǵa túskeni týraly resmı habar taratty.
Bul aqpar kópshilikti eleń etkizdi. Óıtkeni Ózbekstan úkimeti prezıdenti aýyryp qalsa da, osyǵan deıin eshqashan onyń syrqaty týraly resmı málimdeme jasaǵan emes.
Tipti, reseılik sarapshynyń biri muny jaman habarǵa balap, boljam jasap ta jiberdi.
Derekkóz: kaz.365info.kz
