وزبەكستان پرەزيدەنتىنىڭ كىشى قىزى لولا كارىموۆا- تيلليايەۆا ءوزىنىڭ Facebook-تەگى جەكە پاراقشاسىندا اكەسىنىڭ باسىنا قان كەتىپ، اۋرۋحاناعا جاتقىزىلعانىن جازدى.
«ءتۇرلى الىپ-قاشپا ءسوز وربىمەس ءۇشىن، مەن ءوزىمنىڭ الەۋمەتتىك جەلىدەگى پاراقشامدا وتكەن دەمالىس كۇندەرى ءبىزدىڭ وتباسىمىزدا اكەمە قاتىستى بولعان قايعىلى جاعدايمەن بولىسكىم كەلىپ وتىر. سەنبى كۇنى تاڭەرتەڭ مەنىڭ اكەمنىڭ باسىنا قان كەتىپ، اۋرۋحانانىڭ جانساقتاۋ بولىمىنە جاتقىزىلدى. جاعدايى تۇراقتى دەپ باعالانادى. ءدال ءقازىر ونىڭ بولاشاق جاعدايىنا قاتىستى قانداي دا ءبىر بولجامدار جاساۋعا ءالى ەرتە. مەن ادامداردان سىپسىڭ ءسوز وربىتپەي، وتباسىمىزدىڭ قۇقىعىن، جەكە قۇندىلىعىن سىيلاۋدى وتىنەمىن. ال اكەمە دۇعا جاساپ، قولداۋ جاساعىسى كەلەتىندەرگە الدىن الا ريزاشىلىعىمدى بىلدىرگىم كەلەدى„ دەپ جازادى لولا كارىموۆا-تيلليايەۆا.
بۇگىن وزبەكستاننىڭ ۇكىمەتى ەل پرەزيدەنتىنىڭ سىرقاتتانىپ، اۋرۋحاناعا تۇسكەنى تۋرالى رەسمي حابار تاراتتى.
بۇل اقپار كوپشىلىكتى ەلەڭ ەتكىزدى. ويتكەنى وزبەكستان ۇكىمەتى پرەزيدەنتى اۋىرىپ قالسا دا، وسىعان دەيىن ەشقاشان ونىڭ سىرقاتى تۋرالى رەسمي مالىمدەمە جاساعان ەمەس.
ءتىپتى، رەسەيلىك ساراپشىنىڭ ءبىرى مۇنى جامان حابارعا بالاپ، بولجام جاساپ تا جىبەردى.
دەرەككوز: kaz.365info.kz
