OPEC Halyqaralyq damý qorynyń damý forýmynda Qazaqstan Respýblıkasy Premer-Mınıstriniń orynbasary – Ulttyq ekonomıka mınıstri Nurlan Baıbazarov Arab koordınasıalyq tobyna kiretin ıslamdyq damý ınstıtýttarymen birneshe ekijaqty kezdesýler ótkizdi. Sondaı-aq, Qazaqstan Respýblıkasy Úkimeti men Islam damý banki arasyndaǵy Negizdemelik baǵdarlamalyq kelisimge qol qoıyldy.
Kelisim aǵymdaǵy jyly sý sharýashylyǵy jáne kólik salalaryndaǵy ınfraqurylymdyq jobalardy júzege asyrý úshin uzaq merzimdi ınvestısıalar tartý týraly buryn qol jetkizilgen kelisimderdi bekitti. Osy maqsatta Islam damý banki 2 mıllıard AQSH dollaryna deıin qarjy bóledi.
Sý sharýashylyǵy jáne ırrıgasıa mınıstrligi bıyl qarjylandyrýǵa daıyn 16 jobany daıyndady. Olardyń ishinde sý qoımalaryn, bógetterdi, ırrıgasıalyq kanaldardy, kontrretteýshilerdi jáne ilespe ınfraqurylymdy salý jáne qaıta qurý jobalary bar. Kólik mınıstrligi respýblıkalyq mańyzy bar avtojoldardy uzyndyǵy 500 km-den astam qaıta qurý jáne salý boıynsha 4 jobany usyndy.
Kelisim tabysty iske asyrý jáne qoıylǵan maqsattarǵa qol jetkizý úshin birlesken jobalardyń oryndalýyn turaqty konsýltasıalar jáne monıtorıń arqyly qamtamasyz etýdi qarastyrady.
