Isatai aýdanyna jańa ákim taǵaiyndaldy
Jańa ákimdi aýdan aktivine tanystyrý kezinde Atyraý oblysynyń ákimi Mahambet Dosmuhambetov:
– Polymbet Maksimulynyń basqarýshylyq qabileti óte joǵary, óz isiniń bilikti mamany retinde jaqsy bilemin, – dep onyń jańa jumysyna tabystar tiledi.
Osyǵan deiin aýdandy 4 jylǵa jýyq basqarǵan Marat Mýrziev óńiraralyq ishki rotatsiialaýǵa sáikes, basqa jumysqa aýysýyna bailanysty Isatai aýdany ákimi laýazymynan bosatyldy.
Oblys ákimi Mahambet Dosmuhambetov oǵan atqarǵan qyzmeti úshin rizashylyǵyn bildirdi.
Polymbet Maksimuly Hasanov 1980 jyly Inder aýdany Inderbor kentinde dúniege kelgen. Bilimi joǵary, Qazirgi zamanǵy gýmanitarlyq ýniversitetin «Zańger» mamandyǵy boiynsha aiaqtaǵan.
2002-2005 jyldary oblystyq Ishki ister departamenti júiesinde jumys istegen.
2005-2006 jyldary Kásipkerlik jáne ónerkásip departamentinde bas maman,
2006-2010 jyldary - oblys ákimi apparatynda bas maman, oblys ákiminiń bas inspektory.
2010-2014 jyldary - Maqat aýdany ákimdiginde aýdan ákimi apparatynyń basshysy, aýdan ákiminiń orynbasary laýazymdarynda bolǵan.
2014 jyly oblystyq Jumyspen qamtýdy úilestirý jáne áleýmettik baǵdarlamalar basqarmasy basshysynyń orynbasary,
2014-2019 jyldary - Atyraý qalasy ákimi apparatynyń basshysy, keiinnen Atyraý qalasy ákiminiń orynbasary.
2019 jyldan qazirgi ýaqytqa deiin oblys ákimi apparaty basshysynyń orynbasary qyzmetin atqaryp keldi.
