جاڭا اكىمدى اۋدان اكتيۆىنە تانىستىرۋ كەزىندە اتىراۋ وبلىسىنىڭ اكىمى ماحامبەت دوسمۇحامبەتوۆ:
– پولىمبەت ماكسيم ۇلىنىڭ باسقارۋشىلىق قابىلەتى وتە جوعارى، ءوز ءىسىنىڭ بىلىكتى مامانى رەتىندە جاقسى بىلەمىن، – دەپ ونىڭ جاڭا جۇمىسىنا تابىستار تىلەدى.
وسىعان دەيىن اۋداندى 4 جىلعا جۋىق باسقارعان مارات مۋرزييەۆ ءوڭىرارالىق ىشكى روتاسيالاۋعا سايكەس، باسقا جۇمىسقا اۋىسۋىنا بايلانىستى يساتاي اۋدانى اكىمى لاۋازىمىنان بوساتىلدى.
وبلىس اكىمى ماحامبەت دوسمۇحامبەتوۆ وعان اتقارعان قىزمەتى ءۇشىن ريزاشىلىعىن ءبىلدىردى.
پولىمبەت ماكسيم ۇلى حاسانوۆ 1980 جىلى يندەر اۋدانى يندەربور كەنتىندە دۇنيەگە كەلگەن. ءبىلىمى جوعارى، قازىرگى زامانعى گۋمانيتارلىق ۋنيۆەرسيتەتىن «زاڭگەر» ماماندىعى بويىنشا اياقتاعان.
2002-2005 جىلدارى وبلىستىق ىشكى ىستەر دەپارتامەنتى جۇيەسىندە جۇمىس ىستەگەن.
2005-2006 جىلدارى كاسىپكەرلىك جانە ونەركاسىپ دەپارتامەنتىندە باس مامان،
2006-2010 جىلدارى - وبلىس اكىمى اپپاراتىندا باس مامان، وبلىس اكىمىنىڭ باس ينسپەكتورى.
2010-2014 جىلدارى - ماقات اۋدانى اكىمدىگىندە اۋدان اكىمى اپپاراتىنىڭ باسشىسى، اۋدان اكىمىنىڭ ورىنباسارى لاۋازىمدارىندا بولعان.
2014 جىلى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى،
2014-2019 جىلدارى - اتىراۋ قالاسى اكىمى اپپاراتىنىڭ باسشىسى، كەيىننەن اتىراۋ قالاسى اكىمىنىڭ ورىنباسارى.
2019 جىلدان قازىرگى ۋاقىتقا دەيىن وبلىس اكىمى اپپاراتى باسشىسىنىڭ ورىنباسارى قىزمەتىن اتقارىپ كەلدى.
