Irannyń jańa joǵarǵy kóshbasshysy Modjtaba Hamenei taǵaiyndalǵannan keiin alǵashqy málimdemesin jasap, eldiń ustanymyn jariialady, dep habarlaidy Dala News.
Onyń aitýynsha, Iran qaza tapqandar úshin kek alýdan bas tartpaidy jáne halyqty birlikke shaqyrady.
Hamenei Ormýz buǵazyn jabý múmkindigi áli de qarastyrylyp jatqanyn aitty. Sondai-aq qarsylas álsiz tustarda jańa maidandar ashý máselesi de zerttelip jatqanyn jetkizdi.
Sonymen qatar ol Taiaý Shyǵystaǵy AQSh áskeri bazalary jabylýy tiis ekenin málimdedi. Eger bul oryndalmasa, olar soqqy nysanyna ainalýy múmkin ekenin eskertti.
Hamenei aimaq elderin óz ustanymyn anyqtaýǵa shaqyryp, AQSh-tyń qaýipsizdik týraly ýádelerin «jalǵan» dep atady.
Iran qarsylastarynyń áreketi úshin ótemaqy talap etetinin de aitty. Eger ótemaqy tólenbese, Tegeran qarsy taraptyń aktivterinen qarajat alýy nemese olardyń múlkine zalal keltirýi múmkin ekenin málimdedi.
Sonymen birge ol Iran kórshi elderge qarsy emes, negizgi nysana AQSh áskeri bazalary ekenin atap ótti.
Hamenei AQSh pen Izraildiń shabýyly kezinde onyń jubaiy men ápkesi qaza tapqanyn da aitty. Onyń sózinshe, ózin Irannyń joǵarǵy kóshbasshysy bolyp sailanǵanyn teledidar jańalyqtarynan bilgen.
