Irannan Ázerbaıjan arqyly 17 eldiń 600-den astam azamaty qaýipsiz jerge kóshirildi, dep habarlaıdy Dalanews.kz Report basylymyna silteme jasap.

Bes kúnnen beri gýmanıtarlyq kóshirý prosesi joǵary deńgeıde júrgizilip keledi.

Izraıl men Iran arasyndaǵy qaqtyǵys bastalǵaly Astara shekara beketi arqyly 600-den astam adam jaıly jaǵdaıda evakýasıalandy. Olardyń qatarynda ázerbaıjan azamattarymen birge 17 memlekettiń ókilderi bar.

TMD elderinen Reseı, Belarýs, Qazaqstan, Qyrǵyzstan, Tájikstan jáne Ózbekstan azamattary evakýasıalanǵan. Sonymen qatar Germanıa, Ispanıa, Italıa, Serbıa, Rýmynıa jáne Portýgalıa syndy eýropalyq elderdiń de azamattary kómekpen elderine oraldy.

AQSH, Birikken Arab Ámirlikteri, Qytaı jáne Vetnam azamattary da evakýasıalanǵandar qatarynda bolǵanymen, olardyń sany az.

Kóshirilgenderdiń aıtýynsha, Iran aýmaǵynda Ázerbaıjan shekarasynan ótý úshin kezekte turǵan júzdegen adam bar.