Taiaý Shyǵystaǵy jaǵdaidyń ýshyǵýyna bailanysty Túrikmenstan óz aýmaǵyn Irannan sheteldik diplomattar men azamattardyń shyǵýyna paidalanýǵa ruqsat berdi, dep habarlaidy Dalanews.kz.
Eldiń shekaralyq baqylaý beketteri arqyly qazirgi ýaqytta Qazaqstan, Qyrǵyzstan, Ózbekstan, Tájikstan, Rýmyniia jáne basqa da elderdiń shamamen 120 azamaty evakýatsiialanǵan. Olarǵa gýmanitarlyq kómek kórsetilgen.
Túrikmenstannyń Ishki ister ministrligi habarlaǵandai, Taiaý Shyǵysta qalyptasqan ahýalǵa bailanysty Iran aýmaǵynda júrgen sheteldik diplomattar men olardyń otbasylaryna, sondai-aq basqa da azamattarǵa Túrikmenstan aýmaǵy arqyly shyǵýyna jedel múmkindik berilip otyr.
"Búgingi kúnge deiin Túrikmenstannyń shekaralyq baqylaý-ótkizý pýnktteri arqyly Qazaqstan, Qyrǵyzstan, Ózbekstan, Tájikstan, Rýmyniia jáne basqa da elderdiń shamamen 120 azamaty memlekettik shekaradan ótti", – delingen habarlamada.
Kelgen azamattarǵa avtokólik, tamaq, qonaqúi qyzmeti jáne alǵashqy qajettilikterge arnalǵan zattar usynylǵan.
Sonymen qatar, Túrikmenstan bul gýmanitarlyq missiiany júzege asyrý barysynda sheteldik diplomatiialyq ókildiktermen jáne halyqaralyq uiymdarmen tyǵyz jumys istep otyrǵanyn málimdedi.
"Bul turǵyda Túrikmenstan BUU Bas Assambleiasy Túrikmenstan bastamasymen jariialaǵan Beibitshilik pen senimniń halyqaralyq jyly aiasynda gýmanizm, halyqaralyq yntymaqtastyq jáne tatý kórshilik qaǵidattaryna berik ekenin naqty ispen dáleldep otyr", – dep tolyqtyrdy ministrlik.
