AQSh prezidenti Donald Tramp The New York Times basylymyna bergen suhbatynda qajet bolǵan jaǵdaida amerikalyq ásker Iranǵa jasalatyn shabýyldy tórt-bes apta boiy jalǵastyra alatynyn aitty, dep habarlaidy Dalanews.kz.
"Tórt-bes aptaǵa jospar quryp otyrmyz. Bul qiyndyq týdyrmaidy", - dedi ol "AQSh pen Izrail qazirgi shabýyl qarqynyn qansha ýaqyt saqtai alady?" degen suraqqa bergen jaýabynda.
Sonymen qatar, ol Daily Mail basylymyna bergen suhbatynda operatsiia "tórt apta nemese odan az ýaqytqa" sozylýy múmkin ekenin málimdedi.
Donald Tramp Iran basshylyǵyna úmitker retinde úsh adamdy qarastyryp otyrǵanyn da aitty.
"Óte jaqsy úsh úmitkerim bar", - dedi ol The New York Times basylymyna. Alaida olardyń esimderin ataǵan joq.
Aita keteiik, 28 aqpanda AQSh pen Izrail Iranǵa qarsy aýqymdy áskeri operatsiia bastaǵany, Tegeranda jarylys estilgeni habarlandy.
