Prezident Qasym-Jomart Toqaev Qaýipsizdik Keńesiniń hatshysy Ǵizat Nurdáýletovke kúshtik qurylymdar men salalyq ministrlikterdiń jetekshilerimen birge Irandaǵy ahýal ýshyǵýyna jáne elimizdegi turaqtylyqqa qater tóndirý yqtimaldyǵyna bailanysty shuǵyl sharalar josparyn ázirleýdi tapsyrdy, dep habarlaidy Dalanews.kz.
Memleket basshysynyń tapsyrmasymen barlyq kúshtik qurylym táýliktik jumys kestesine kóshirildi. Úkimette Syrtqy ister ministrligi jetekshilik jasaityn arnaiy monitoring toby jumysqa kiristi.
Óńir ákimderine Taiaý Shyǵysta bolyp jatqan jaǵdaidy eskere otyryp, sheshim qabyldaý tapsyryldy.
Eske salaiyq, buǵan deiin Izrail Iranǵa soqqy jasaǵany, Tegeranda jarylys estilgeni habarlandy.
