Iranda úkimetke qarsy ótken jappaı narazylyq kezinde qaza tapqandar sany 500 adamnan asty. Atalǵan jaǵdaıǵa baılanysty elde úsh kúndik ulttyq aza tutý jarıalandy, dep habarlaıdy Dalanews.kz.
Iran prezıdenti Masýd Pezeshkıan 12 qańtar kúni ótetin aza tutý sharasyna turǵyndardy da qatysýǵa shaqyrǵan.
AQSH-ta ornalasqan HRANA quqyq qorǵaý uıymy taratqan derekke sáıkes, qaza tapqandardyń ishinde 490 narazylyq bildirýshi jáne Irannyń qaýipsizdik qurylymdarynyń 48 qyzmetkeri bar. Sonymen qatar el boıynsha shamamen 10 myń adam qamaýǵa alynǵan. Al Iran bıligi adam shyǵynyna qatysty ázirge resmı aqparat taratqan joq.
Narazylyq aksıalary eldiń barlyq provınsıasyndaǵy 186 qala men eldi mekendi qamtyǵan.
