Tegeranda stýdentter men kúshtik qurylymdar arasynda qaqtyǵys boldy. Bul týraly sheteldik BAQ jazdy, dep habarlaidy Dalanews.kz.
Tegeranda Úkimetke qarsy urandatqan irandyq stýdentter kúshtik qurylym ókilderimen qaqtyǵysty. Narazylyq 21 aqpanda Sharif ýniversiteti mańynda bastalyp, keiin Tegeran ýniversiteti men Ámir Kabir tehnologiialyq ýniversitetinde jalǵasty.
Kýágerler jariialaǵan videolarda stýdentter "Uiat!" dep aiqailap, Iran týyn jelbiretkeni kórinedi. Olar buǵan deiin saiasi sherýlerdi basýǵa qatysqan "Basidj" jasaqtarymen betpe-bet kelgen. Iran islam revoliýtsiiasy saqshylar korpýsyna jaqyn Fars agenttigi de Tegeran ýniversitetinde ótken mitingke kóp stýdent qatysqanyn habarlady.
Sherýler qańtardaǵy narazylyq kezinde qaza tapqandardy eske alý sharalarymen tuspa-tus keldi. Quqyq qorǵaýshylardyń dereginshe, 2025 jylǵy jeltoqsannan 2026 jylǵy qańtarǵa deiin jalǵasqan jalpyulttyq tolqýlarda keminde 7 myń adam qaza tapqan. Sarapshylar bul oqiǵalardy 1979 jylǵy Islam revoliýtsiiasynan bergi eń iri narazylyq dep baǵalaidy.
Halyqaralyq qaýymdastyq Iran biliginiń qatań áreketterin synǵa aldy. Amnesty International uiymy narazylyqqa qatysy bar shamamen 30 adamǵa ólim jazasy qaýpi tónip turǵanyn málimdedi.
