تەگەراندا ستۋدەنتتەر مەن كٷشتٸك قۇرىلىمدار اراسىندا قاقتىعىس بولدى. بۇل تۋرالى شەتەلدٸك باق جازدى, دەپ حابارلايدى Dalanews.kz.
تەگەراندا ٷكٸمەتكە قارسى ۇرانداتقان يراندىق ستۋدەنتتەر كٷشتٸك قۇرىلىم ٶكٸلدەرٸمەن قاقتىعىستى. نارازىلىق 21 اقپاندا شاريف ۋنيۆەرسيتەتٸ ماڭىندا باستالىپ, كەيٸن تەگەران ۋنيۆەرسيتەتٸ مەن ەمٸر كابير تەحنولوگييالىق ۋنيۆەرسيتەتٸندە جالعاستى.
كۋەگەرلەر جارييالاعان ۆيدەولاردا ستۋدەنتتەر "ۇيات!" دەپ ايقايلاپ, يران تۋىن جەلبٸرەتكەنٸ كٶرٸنەدٸ. ولار بۇعان دەيٸن ساياسي شەرۋلەردٸ باسۋعا قاتىسقان "باسيدج" جاساقتارىمەن بەتپە-بەت كەلگەن. يران يسلام رەۆوليۋتسيياسى ساقشىلار كورپۋسىنا جاقىن Fars اگەنتتٸگٸ دە تەگەران ۋنيۆەرسيتەتٸندە ٶتكەن ميتينگكە كٶپ ستۋدەنت قاتىسقانىن حابارلادى.
شەرۋلەر قاڭتارداعى نارازىلىق كەزٸندە قازا تاپقانداردى ەسكە الۋ شارالارىمەن تۇسپا-تۇس كەلدٸ. قۇقىق قورعاۋشىلاردىڭ دەرەگٸنشە, 2025 جىلعى جەلتوقساننان 2026 جىلعى قاڭتارعا دەيٸن جالعاسقان جالپىۇلتتىق تولقۋلاردا كەمٸندە 7 مىڭ ادام قازا تاپقان. ساراپشىلار بۇل وقيعالاردى 1979 جىلعى يسلام رەۆوليۋتسيياسىنان بەرگٸ ەڭ ٸرٸ نارازىلىق دەپ باعالايدى.
حالىقارالىق قاۋىمداستىق يران بيلٸگٸنٸڭ قاتاڭ ەرەكەتتەرٸن سىنعا الدى. Amnesty International ۇيىمى نارازىلىققا قاتىسى بار شامامەن 30 ادامعا ٶلٸم جازاسى قاۋپٸ تٶنٸپ تۇرعانىن مەلٸمدەدٸ.
