Iran Islam revolúsıasy saqshylary korpýsynyń áýe-ǵarysh kúshteriniń qolbasshysy Mýsavı eldiń soǵys qımyldaryn kúsheıtýi múmkin ekenin aıtty, dep habarlaıdy Dalanews.kz.

Onyń sózinshe, Iran salmaǵy shamamen bir tonna bolatyn oqtumsyqpen jabdyqtalǵan aýyr zymyrandardy qoldanýdy josparlap otyr. Mundaı bir zymyrannyń ózi myqty qorǵalǵan býnkerdi nemese tutas bir turǵyn aýdandy joıyp jibere alady.

Sheteldik BAQ pen derekkóz málimetinshe, shabýyl qashyqtyǵy, qarqyny men jıiligi de arta túspek, sonymen qatar, eń qýatty qarý túrleri iske qosylady.

Izraıl aýmaǵynyń basym bóligi Irannyń balıstıkalyq zymyrandarynyń soqqy jasaý aımaǵynda tur. Sarapshylardyń málimetinshe, Tegeran qorynda shamamen 2000-ǵa jýyq osyndaı zymyran bar, al el bir aı ishinde taǵy 100-ge deıin jańa zymyran shyǵara alady.