Iran prezidenti Masýd Pezeshkian Iran tarapynan shabýylǵa ushyraǵan kórshi memleketterden jariia túrde keshirim surady, dep habarlaidy Dalanews.kz.
Ol bul týraly teleefirde sóilegen sózinde málimdedi.
Pezeshkiannyń aitýynsha, Iran budan bylai kórshi elderge ózderi birinshi bolyp shabýyl jasamaiynsha zymyran ushyrmaýy tiis. Prezident bul máseleni diplomatiialyq jolmen sheshý qajet ekenin atap ótti.
«Iran tarapynan shabýyl jasalǵan kórshi elderden keshirim suraýym kerek. Osy sátten bastap biz kórshilerimizge shabýyl jasamaýymyz kerek jáne olar bizge birinshi bolyp shabýyl jasamaiynsha, olarǵa qarsy zymyran ushyrmaýymyz qajet. Meniń oiymsha, bul máseleni diplomatiia arqyly sheshý kerek», – dedi ol.
Sonymen qatar, Pezeshkian atalǵan shabýyldar áskerdegi basqarý máselelerine bailanysty bolýy múmkin ekenin aitty. Onyń sózinshe, jaǵdaidy Irannyń joǵarǵy kóshbasshysy Ali Hamenei men taǵy birneshe joǵary laýazymdy tulǵanyń qaza tabýy kúrdelendirgen.
