Bloomberg agenttiginiń málimetinshe, Iran Ormýz buǵazy arqyly ótetin kemelerden aqy alý týraly zań jobasyn ázirlep jatyr, dep habarlaıdy Dalanews.kz.
Fars agenttigi aty atalmaǵan depýtatqa silteme jasap, Iran parlamenti buǵazdan qaýipsiz ótýdi qalaıtyn kemeler úshin tólem engizýdi qarastyryp jatqanyn habarlady.
Tegeran bul arqyly teńiz salasynda burynnan aıtylyp júrgen beıresmı tólemdi zańdastyrmaq. Ol tólem mólsheri keı jaǵdaıda 2 mıllıon dollarǵa deıin jetýi múmkin.
Zań jobasy kelesi aptada tolyq bekitiledi dep kútilýde. Qujat qabyldansa, Iran Ormýz buǵazy ústinen tolyq baqylaýyn zań júzinde bekitedi.
Sarapshylardyń pikirinshe, mundaı sheshim jahandyq saýdaǵa áser etýi múmkin.
"Bul sońǵy júz jyl boıy qalyptasqan erkin teńiz qatynasyna kedergi keltiredi jáne álemdik saýdany baıaýlatýy yqtımal", – dedi Amanda Bornv Sıngapýrdaǵy teńiz konferensıasynda.
