Óńirge arnaıy jumys saparymen kelgen mártebeli meımandar TMD elderi arasyndaǵy saparyn Qazaqstannan bastap otyr.
Kompanıanyń mańyzdy jáne biregeı erekshelikteriniń biri - zertteýge ınvestısıa salý, sondaı-aq kadrlardy daıyndaýdaǵy turaqty umtylys. Farmasevtıka salasynda básekelesteriniń aldyn orap úlgergen kompanıa 54 túrli dári-dármek shyǵarady. Sapaly ónimder eýropa naryǵyna jóneltilýde. Investor arasyndaǵy negizgi dánekershi - «Source Energy» kompanıasy.
Búgingi kúni qyzmetkerlerdiń 30 paıyzy doktorlyq, magıstratýra jáne farmakologıa salasyndaǵy mamandar bolyp tabylady. Olar ǵylymı-zertteý, damytý jáne sapany baqylaýmen aınalysady. Niak farmasevtıkalyq kompanıasy sońǵy GMP standarttaryna sáıkes №2 zaýytty damytýdy josparlap otyr.
«Men Sizderdiń bul bastamalaryńyzdy tolyq qoldaımyn. Mańyzdy qadam jasalyp jatqandyǵy anyq. Sondyqtan jumysqa esh alańsyz kirisýlerińizge bolady. Sizder úshin ındýstrıaldyq aımaqty daıyndaımyz. Eýropalyq odaqtyń naryǵyna shyǵýdyń da tıimdi tustaryn atap ketýge bolady.
Qazaqstan, Reseı, Belarýsıa, Qyrǵyzstan jáne Armenıaǵa óndirilgen dárilerdi esh kedergisiz jetkizesizder. Bul shamamen 200 mln halyqqa jol tartady degen sóz. Ekonomıkalyq aımaq retinde ózimizde de jeńildikter qarastyrylǵan. Keden beketterinen qıyndyqtar bolmaıdy.
Sondyqtan belsendi túrde bilek túre iske kirisýge shaqyramyn. Búrokratıa bolmas úshin men ózim qadaǵalaımyn», — dedi J.Túımebaev.
Óz kezeginde, Iran ınvestorlary aımaq basshysyna rızashylyǵyn bildirdi. Kezdesýde eki jaqty memarandýmǵa qol qoıyldy. Mártebeli meımandar Túrkistanmen saýda-ekonomıkalyq baılanystarynyń odan ári nyǵaıýyna nıetti ekenin jetkizdi.
