Irannyń qaýipsizdik kúshteri Kermanshah provintsiiasyna qarasty Kasr-Shirin shekaralyq aýmaǵynda Izrail barlaý qyzmetimen bailanysy bar alty áieldi qolǵa túsirdi, dep habarlaidy Dalanews.kz “Svobodnyi Iran” telegram arnasyna silteme jasap.
“Olar Irakqa qarai jol talǵamaityn kólikpen qashyp ótpek bolǵan. Alaida Irannyń barlaý qyzmeti olardy der kezinde anyqtap, arnaiy operatsiia nátijesinde ustady”, — deidi derekkóz.
Bul operatsiia Islam revoliýtsiiasy saqshylar korpýsy (KSIR) men Qaýipsizdik basqarmasy arasyndaǵy tyǵyz úilesimdilikpen júzege asqan.
“Bilik ókilderi halyqty el ishinde oryn alýy múmkin kúdikti áreketter týraly dereý habarlaýǵa shaqyrady. Qońyraý shalýǵa arnalǵan nómirler: 114, 113 jáne 110”, — dep qosty derekkóz.
