يراننىڭ قاۋىپسىزدىك كۇشتەرى كەرمانشاح پروۆينسياسىنا قاراستى كاسر-شيرين شەكارالىق اۋماعىندا يزرايل بارلاۋ قىزمەتىمەن بايلانىسى بار التى ايەلدى قولعا ءتۇسىردى، دەپ حابارلايدى Dalanews.kz “سۆوبودنىي يران” تەلەگرام ارناسىنا سىلتەمە جاساپ.
“ولار يراكقا قاراي جول تالعامايتىن كولىكپەن قاشىپ وتپەك بولعان. الايدا يراننىڭ بارلاۋ قىزمەتى ولاردى دەر كەزىندە انىقتاپ، ارنايى وپەراسيا ناتيجەسىندە ۇستادى”، — دەيدى دەرەككوز.
بۇل وپەراسيا يسلام ريەۆوليۋسياسى ساقشىلار كورپۋسى (كسير) مەن قاۋىپسىزدىك باسقارماسى اراسىنداعى تىعىز ۇيلەسىمدىلىكپەن جۇزەگە اسقان.
“بيلىك وكىلدەرى حالىقتى ەل ىشىندە ورىن الۋى مۇمكىن كۇدىكتى ارەكەتتەر تۋرالى دەرەۋ حابارلاۋعا شاقىرادى. قوڭىراۋ شالۋعا ارنالعان نومىرلەر: 114، 113 جانە 110”، — دەپ قوستى دەرەككوز.
