"Otbasy bankiniń" basshysy Lázzat Ibragimova búgin Úkimette ótken baspasóz máslihatynda "2025 jyly ipotekalyq nesie tirketip úlgergen qazaqstandyqtardyń mindettemelerine qymbattaǵan dollar baǵamynyń áser bolady ma" degen saýalǵa jaýap berdi, dep jazady Dalanews.kz.
Lázzat Ibragimova Qazaqstanda 15 jyldan astam ýaqyttan beri ipotekalyq nesielik portfeldiń 100%-y tek teńgemen berilip kele jatqanyn eske saldy.
"Sondyqtan qaryz alýshylar jaǵdaiy valiýtalyq aýytqýlarǵa táýeldi emes. Sonymen qatar, aqsha baǵamynda turaqsyzdyq bolǵanda, kerisinshe jyljymaityn múlikke naqty materialdyq aktiv retinde suranys artady. Jeltoqsan aiynyń sońynda biz onyń mámileler sanyna qalai áser etkenin taldap, tyń derekter jariialaityn bolamyz", – dedi ol.
"Dollardyń ósýine bailanysty 2024 jyly áleýmettik baspananyń bir sharshy metriniń quny iri paneldi úilerde 300-350 myń teńgeni qurady. 2025 jyly da biz Baǵa belgileý ortalyǵymen birlese dollardyń ósý yqtimaldylyǵyn eskere otyryp,baǵany qaita esepteitin bolamyz. Ipotekalyq qaryzdar boiynsha sharttyq mindettemeler bar. Qaryz alýshylar bastapqyda qol qoiylǵan sharttar sheńberinde tólem jasaýdy jalǵastyrýy tiis. Iaǵni, buryn berilgen úiler boiynsha. Ol arada jańadan eshteńe qarastyrylmaǵan", - dedi Qajkenov.
Demek, dollardyń qymbattaýy 2025 jyly tirkeletin ipotekalyq nesielerden kórinis tabady. Bul kelesi jyly baspana baǵasy qymbattaitynyn bildiredi.
Degenmen 2025 jyly jyljymaityn múlikke qatysty mámilelerdi rásimdeý qymbattamaq. Óitkeni ailyq eseptik kórsetkish (AEK) kólemi ósedi, 1 qańtardan bastap ol 3932 teńgeni qurap, 240 teńgege ósedi.
"Bul rette satyp alý-satý shartyn rásimdeý jáne kýálandyrý quny jyljymaityn múlikti kim jáne kimge satatynyna tikelei bailanysty", dep túsindiredi sarapshylar.
- eger satýshy da, satyp alýshy da jeke tulǵa jáne jaqyn týystary bolsa, onda bul qyzmetter olarǵa 12 AEK nemese 47 184 teńge turady;
- eger satyp alýshy nemese satýshy jaqyn týystary bolsa, onda - 7 AEK nemese 27 524 teńge bolady;
- eger taraptardyń kem degende bireýi zańdy tulǵa bolsa – 17 AEK nemese 66 844 teńge;
- ipotekalyq nesie alýshylar úshin -4 AEK nemese 15 728 teńge.
Kúieýiniń nemese áieliniń notarialdy kýálandyrylǵan kelisimi 2025 jyly 5898 teńgeni (1,5 AEK) quraidy. Jaldaý shartyn kýálandyrý 10 AEK nemese 39 320 teńge bolmaq. Kepil sharty da sol somada. Ósietti kýálandyrý 2025 jyly 3 AEK nemese 11 796 teńge turatyn bolady.
