Qarjy ministri atalǵan platformalarda aqshalai syiaqy alatyn qazaqstandyqtar tóleýge mindetti salyq mólsherin atady. Sóitse YouTube pen TikTok-ta tabys tabatyn qazaqstandyqtar óz tabystary týraly esep berýge mindetti eken, dep habarlaidy Dalanews.kz.
Úkimette ótken brifing barysynda Qarjy ministri Mádi Takiev Qazaqstan aýmaǵynda internet-platformalary bar 179 kompaniia tirkeýde turǵanyn aitty.
"Jeke tulǵalardyń monetizatsiiasy júrgiziletin Youtube, TikTok, Facebook-ke keletin bolsaq, bul kompaniialar bizge ózderinde tabys tapqan adamdar týraly aqparat usynyp otyrady. Bul bizge salystyrý úshin qajet. Jalpy, jeke tulǵa deklaratsiiany óz betinshe usynýy kerek. Al ony usynbaǵan jaǵdaida kelip túsken tabysty kórip, ol jaiyn eskertemiz, iaǵni deklaratsiia usyný qajettiligi týraly habarlama joldaimyz", – dedi Takiev.
Aita ketsek, YouTube, TikTok, Facebook platformalarynda syiaqy alatyndar úshin salyq 10%-dy quraidy.
Buǵan deiin elimizde TikTok jelisine shekteý engizilýi múmkin ekendigi habarlanǵan.
