Jetisý oblysynda internet-tanystyq arqyly bopsalaýmen ainalysqan Taldyqorǵan qalasynyń 9 turǵyny sottaldy, dep habarlaidy Dalanews.kz.
Jetisý oblysynyń prokýratýrasy sotta uzaq ýaqyt boiy psihologiialyq qysym men bopsalaý ádisterin qoldana otyryp qylmys jasaǵan adamdar tobynyń kinásin dáleldedi.
2024 jylǵy mamyrdan 2025 jylǵy naýryzǵa deiin óńir aýmaǵynda azamattardy bopsalaýmen ainalysqan top áreket etken. Qaskúnemder áleýmettik jeliler men mobildi qosymshalar arqyly jábirlenýshilerdiń senimine kirip, keiin túrli syltaýlarmen olardy óz úilerine shaqyrǵan.
Qylmystyq shema psihologiialyq qysym men manipýliatsiiaǵa negizdelip, jábirlenýshilerdi jalǵan túrde «zorlaý faktisi boiynsha politsiiaǵa aryz beremiz» dep qorqytý arqyly júzege asyrylǵan. «Máseleni retteý» úshin olardan iri kólemde aqsha talap etken. Azamattar aldyn ala bólingen rólder boiynsha áreket etken adamdar tarapynan qatty qysymǵa ushyraǵan.
Quqyqqa qaishy júie anyqtalǵannan keiin atalǵan tulǵalar ustalyp, sotqa deiingi tergep-tekserý júrgizildi. Onyń nátijeleri boiynsha qylmystyq is sotqa joldandy.
Sot otyrysynda memlekettik aiyptaýshy taǵylǵan aiyptyń negizdiligin dáleldep, usynylǵan dáleldemelerge quqyqtyq baǵa berdi.
2026 jylǵy 30 qańtarda Taldyqorǵan qalalyq sotynyń úkimimen atalǵan adamdar QR QK-niń 194-baby 2-bóliginiń 1), 2) jáne 3) tarmaqtary boiynsha kináli dep tanylyp, ártúrli merzimge jaza taǵaiyndaldy.
Úkim zańdy kúshine engen joq.
