Qazaqstan Respýblikasynyń Indýstriia jáne infraqurylymdyq damý ministrligi (budan ári – Ministrlik) «Aziia Avto» AQ jáne «Aziia Avto Qazaqstan» AQ kásiporyndarymen jasalǵan motorly kólik quraldaryn ónerkásiptik qurastyrý týraly kelisimge qatysty jaǵdai jóninde jalǵan aqparat taratý faktileri tirkelgenin habarlaidy.
Ministrlik osyǵan orai Qazaqstan Respýblikasynda motorly kólik quraldaryn ónerkásiptik qurastyrý týraly Kelisim QR Premer-Ministriniń orynbasary – Indýstriia jáne jańa tehnologiialar ministriniń «Qazaqstan Respýblikasynyń zańdy tulǵalary rezidentterimen motorly kólik quraldaryn ónerkásiptik qurastyrý týraly kelisimdi jasasýdyń, onyń talaptary men úlgi nysanynyń keibir máseleleri týraly» 2010 jylǵy 11 maýsymdaǵy № 113 buiryǵyna (budan ári – Buiryq) sáikes jasalatynyn habarlaidy.
Joǵary Eýraziialyq ekonomikalyq keńestiń «Keden odaǵyna múshe memleketter men Biryńǵai ekonomikalyq keńistik aýmaǵynda «motorly kólik quraldaryn ónerkásiptik qurastyrý» uǵymyn qoldaný sharttary týraly» 2014 jylǵy 29 mamyrdaǵy № 72 sheshimine sáikes Ministrlik 10 kásiporynmen motorly kólik quraldaryn ónerkásiptik qurastyrý jóninde 19 kelisim jasady.
Kásiporyndar kelisimder aiasynda kólik quraldaryn balqytyp biriktirý, boiaý jáne qurastyrý boiynsha tehnologiialardy igerý jáne oqshaýlandyrýdy ulǵaitý týraly ózderine mindettemeler aldy.
«Aziia Avto» AQ jáne «Aziia Avto Qazaqstan» AQ kásiporyndary kelisim boiynsha ónerkásiptik qurastyrý týraly mindettemelerin oryndamady. Al ózge kásiporyndar shanaqty balqytyp biriktirý jáne boiaý boiynsha tehnologiialyq jabdyqtardy iske qosý jónindegi mindettemelerin kelisimniń jospar-kestesine sai oryndady.
«Aziia Avto» AQ 2002 jylǵy 20 jeltoqsanda qurylyp, alǵashqy memlekettik tirkeýden ótti.
Kásiporyn óz qyzmetin bastaǵannan Qazaqstan Respýblikasynyń zańnamasyna sáikes qosymsha qun salyǵynan jáne kedendik tólemderden bosatylyp, memlekettik preferentsiialar alyp keldi.
Sondai-aq, tólengen ýtilizatsiialyq alymdy qaitarý túrinde yntalandyryldy. Ministrlikpen jasalǵan kelisimder boiynsha ónerkásiptik qurastyrý týraly qarsy mindettemeler alǵan otandyq kásiporyndardyń barlyǵyna memlekettik qoldaý kórsetildi.
2001 jylǵy 15 tamyzda «QR basym baǵytty ekonomika sektorlarynda investitsiialyq qyzmet atqaratyn investordy memlekettik qoldaý jáne yntalandyrý sharalary týraly» alǵashqy investitsiialyq kelisimge qol qoiyldy.
2010 jylǵy 24 maýsymda «Aziia Avto» AQ-men 2017 jylǵy 1 maýsymnan bastap shanaǵyn balqytyp biriktirý jáne boiaý boiynsha tehnologiialyq operatsiialardy uiymdastyrý mindettemesimen birge 8703 TN VED TS (jeńil avtomobilder) taýar pozitsiiasymen motorly kólik quraldaryn ónerkásiptik qurastyrý týraly kelisimge qol qoiyldy. Biraq atalǵan mindetteme oryndalǵan joq.
«Aziia Avto Qazaqstan» AQ 2012 jylǵy 19 jeltoqsanda qurylyp (paidalanýǵa berilgen joq), alǵashqy memlekettik tirkeýden ótti.
2012 jylǵy 28 jeltoqsanda «Aziia Avto Qazaqstan» AQ-men 2019 jylǵy 1 jeltoqsannan bastap shanaǵyn balqytyp biriktirý jáne boiaý boiynsha tehnologiialyq operatsiialardy uiymdastyrý mindettemesimen birge 8703 TN VED TS (jeńil avtomobilder) taýar pozitsiiasymen motorly kólik quraldaryn ónerkásiptik qurastyrý týraly kelisimge qol qoiyldy. Biraq atalǵan mindetteme de oryndalmady.
Óndirýshilerdiń mindettemelerine sáikes kompaniialar 84 ai (7 jyl)ishinde shanaqty balqytyp biriktirý jáne boiaý boiynsha tehnologiialyq jabdyqtardy paidalanýǵa berýi tiis.
Ári motorly kólik quraldaryn ónerkásiptik qurastyrý týraly kelisimge qol qoiý erejeleriniń 8 tarmaǵyna sáikes ónerkásiptik qurastyrý týraly kópjaqty kelisimge qol qoiýǵa bolady. Ónerkásiptik qurastyrýǵa kóshý merzimi kópjaqty kelisim taraptarynyń biri qabyldaǵan eń joǵarǵy merzimnen asyp ketpeýi tiis.
«Aziia Avto» AQ kásipornynyń óz mindettemelerin oryndaýǵa daiyn emestigin eskere otyryp, mindettemeler merzimin uzartý maqsatynda 2017 jyldyń basynda «Aziia Avto» AQ men «Aziia Avto Qazaqstan» AQ motorly kólik quraldaryn ónerkásiptik qurastyrý týraly kópjaqty kelisimge qol qoiý týraly Ministrlikke ótinish bildirdi.
2017 jylǵy 7 sáýirde Ministrlik atalǵan kásiporyndarmen «Aziia Avto» AQ-na kelisim aiasyndaǵy mindettemeler merzimin 2019 jylǵy 1 jeltoqsanǵa deiin uzartýǵa múmkindik beretin kópjaqty kelisimge qol qoidy.
Motorly kólik quraldaryn ónerkásiptik jinaý týraly kelisimniń 2.1.3 tarmaqtaryna sáikes esepti jyldan keiingi ár kúntizbelik jyldyń 1 sáýirine deiin óndirýshi ýákiletti organǵa jospardyń oryndalýy týraly - kelisim kezeńderin iske asyrý kestesin usynýǵa mindetti.
Osylaisha, aǵymdaǵy jylǵy sáýirde esepti usyný barysynda «Aziia Avto» AQ-nyń motorly kólik quraldaryn ónerkásiptik jinaý týraly qol qoiylǵan kópjaqty kelisimge sáikes 10 jyldai ýaqyt buryn ózine alǵan mindettemelerin kezekti ret oryndamaǵany rastaldy.
Kelisimniń 4.3 tarmaǵyna sáikes kelisim normalary oryndalmaǵan nemese tiisti deńgeide oryndalmaǵan jaǵdaida ýákiletti organ óndirýshige anyqtalǵan buzýshylyqtardy kórsete otyryp, olardy 1 aidyń ishinde joiý týraly jazbasha túrde habarlama jiberedi.
Atalǵan habarlama «Aziia Avto» AQ jáne «Aziia Avto Qazaqstan» AQ kásiporyndarynyń mekenjaiyna aǵymdaǵy jylǵy 11 sáýirde jiberildi.
Buiryqqa sáikes anyqtalǵan buzýshylyqtardyń 1 ai ishinde joiylmaýy nemese tiisti deńgeide atqarylmaýy Qazaqstan Respýblikasynyń azamattyq zańnamasynda qarastyrylǵan tártipke sai kelisimdi buzýǵa jáne jeńildikter berýdi toqtatýǵa negiz bolady.
Jasalǵan kelisim erejelerine bailanysty «Aziia Avto» AQ jáne «Aziia Avto Qazaqstan» AQ kásiporyndary bul jóninde habarlandyryldy.
Dei turǵanmen, ónerkásiptik qurastyrý týraly kelisimdi buzý keibir BAQ pen áleýmettik jelilerde jazylyp jatqandai kásiporyn qyzmetin toqtatý degendi bildirmeidi. «Aziia Avto» AQ kompaniiasy kólik quraldary óndirisin jalǵastyrýǵa, sondai-aq «Aziia Avto Qazaqstan» AQ zaýyt qurylysyn jalǵastyrýǵa tolyqtai quqyly. Ministrlik óz kezeginde kórsetilgen mindettemeler oryndalǵannan keiin kelisim jasap, jeńildikter usyný múmkindigin qarastyrýǵa daiyn.
Ýákiletti organ orynsyz talqylaýlar men kópe kórneý jalǵan aqparat taratýdan bas tartýǵa shaqyrady.
QR IIDM Baspasóz qyzmeti
