قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى (بۇدان ءارى – مينيسترلىك) «ازيا اۆتو» اق جانە «ازيا اۆتو قازاقستان» اق كاسىپورىندارىمەن جاسالعان موتورلى كولىك قۇرالدارىن ونەركاسىپتىك قۇراستىرۋ تۋرالى كەلىسىمگە قاتىستى جاعداي جونىندە جالعان اقپارات تاراتۋ فاكتىلەرى تىركەلگەنىن حابارلايدى.    

مينيسترلىك وسىعان وراي قازاقستان رەسپۋبليكاسىندا موتورلى كولىك قۇرالدارىن ونەركاسىپتىك قۇراستىرۋ تۋرالى كەلىسىم ق ر پرەمەر-مينيسترىنىڭ ورىنباسارى – يندۋستريا جانە جاڭا تەحنولوگيالار ءمينيسترىنىڭ «قازاقستان رەسپۋبليكاسىنىڭ زاڭدى تۇلعالارى رەزيدەنتتەرىمەن موتورلى كولىك قۇرالدارىن ونەركاسىپتىك قۇراستىرۋ تۋرالى كەلىسىمدى جاساسۋدىڭ، ونىڭ تالاپتارى مەن ۇلگى نىسانىنىڭ كەيبىر ماسەلەلەرى تۋرالى» 2010 جىلعى 11 ماۋسىمداعى № 113 بۇيرىعىنا (بۇدان ءارى – بۇيرىق) سايكەس جاسالاتىنىن حابارلايدى.

جوعارى ەۋرازيالىق ەكونوميكالىق كەڭەستىڭ «كەدەن وداعىنا مۇشە مەملەكەتتەر مەن ءبىرىڭعاي ەكونوميكالىق كەڭىستىك اۋماعىندا «موتورلى كولىك قۇرالدارىن ونەركاسىپتىك  قۇراستىرۋ» ۇعىمىن قولدانۋ شارتتارى تۋرالى» 2014 جىلعى 29 مامىرداعى № 72 شەشىمىنە سايكەس مينيسترلىك 10 كاسىپورىنمەن موتورلى كولىك قۇرالدارىن ونەركاسىپتىك قۇراستىرۋ جونىندە 19 كەلىسىم جاسادى.

كاسىپورىندار كەلىسىمدەر اياسىندا كولىك قۇرالدارىن بالقىتىپ بىرىكتىرۋ، بوياۋ جانە قۇراستىرۋ بويىنشا تەحنولوگيالاردى يگەرۋ جانە وقشاۋلاندىرۋدى ۇلعايتۋ تۋرالى وزدەرىنە مىندەتتەمەلەر الدى.    

«ازيا اۆتو» اق جانە «ازيا اۆتو قازاقستان» اق كاسىپورىندارى كەلىسىم بويىنشا ونەركاسىپتىك قۇراستىرۋ تۋرالى مىندەتتەمەلەرىن ورىندامادى. ال وزگە كاسىپورىندار شاناقتى بالقىتىپ بىرىكتىرۋ جانە بوياۋ بويىنشا تەحنولوگيالىق جابدىقتاردى ىسكە قوسۋ جونىندەگى مىندەتتەمەلەرىن كەلىسىمنىڭ جوسپار-كەستەسىنە ساي ورىندادى.

«ازيا اۆتو» اق 2002 جىلعى 20 جەلتوقساندا قۇرىلىپ، العاشقى مەملەكەتتىك تىركەۋدەن ءوتتى.

كاسىپورىن ءوز قىزمەتىن باستاعاننان قازاقستان رەسپۋبليكاسىنىڭ زاڭناماسىنا سايكەس قوسىمشا قۇن سالىعىنان جانە كەدەندىك تولەمدەردەن بوساتىلىپ، مەملەكەتتىك پرەفەرەنسيالار الىپ كەلدى.

سونداي-اق، تولەنگەن ۋتيليزاسيالىق الىمدى قايتارۋ تۇرىندە ىنتالاندىرىلدى. مينيسترلىكپەن جاسالعان كەلىسىمدەر بويىنشا ونەركاسىپتىك قۇراستىرۋ تۋرالى قارسى مىندەتتەمەلەر العان وتاندىق كاسىپورىنداردىڭ بارلىعىنا مەملەكەتتىك قولداۋ كورسەتىلدى.

2001 جىلعى 15 تامىزدا «ق ر باسىم باعىتتى ەكونوميكا سەكتورلارىندا ينۆەستيسيالىق قىزمەت اتقاراتىن ينۆەستوردى مەملەكەتتىك قولداۋ جانە ىنتالاندىرۋ شارالارى تۋرالى» العاشقى ينۆەستيسيالىق كەلىسىمگە قول قويىلدى.

2010 جىلعى 24 ماۋسىمدا «ازيا اۆتو» اق-مەن 2017 جىلعى 1 ماۋسىمنان باستاپ شاناعىن بالقىتىپ بىرىكتىرۋ جانە بوياۋ بويىنشا تەحنولوگيالىق وپەراسيالاردى ۇيىمداستىرۋ مىندەتتەمەسىمەن بىرگە 8703 تن ۆەد تس (جەڭىل اۆتوموبيلدەر) تاۋار پوزيسياسىمەن موتورلى كولىك قۇرالدارىن ونەركاسىپتىك قۇراستىرۋ تۋرالى كەلىسىمگە قول قويىلدى. ءبىراق اتالعان مىندەتتەمە ورىندالعان جوق.

«ازيا اۆتو قازاقستان» اق 2012 جىلعى 19 جەلتوقساندا قۇرىلىپ (پايدالانۋعا بەرىلگەن جوق)، العاشقى مەملەكەتتىك تىركەۋدەن ءوتتى.

2012 جىلعى 28 جەلتوقساندا «ازيا اۆتو قازاقستان» اق-مەن 2019 جىلعى 1 جەلتوقساننان باستاپ شاناعىن بالقىتىپ بىرىكتىرۋ جانە بوياۋ بويىنشا تەحنولوگيالىق وپەراسيالاردى ۇيىمداستىرۋ مىندەتتەمەسىمەن بىرگە 8703 تن ۆەد تس (جەڭىل اۆتوموبيلدەر) تاۋار پوزيسياسىمەن موتورلى كولىك قۇرالدارىن ونەركاسىپتىك قۇراستىرۋ تۋرالى كەلىسىمگە قول قويىلدى. ءبىراق اتالعان مىندەتتەمە دە ورىندالمادى.

وندىرۋشىلەردىڭ مىندەتتەمەلەرىنە سايكەس كومپانيالار 84 اي (7 جىل)ىشىندە شاناقتى بالقىتىپ بىرىكتىرۋ جانە بوياۋ بويىنشا تەحنولوگيالىق جابدىقتاردى پايدالانۋعا بەرۋى ءتيىس.

ءارى موتورلى كولىك قۇرالدارىن ونەركاسىپتىك قۇراستىرۋ تۋرالى كەلىسىمگە قول قويۋ ەرەجەلەرىنىڭ 8 تارماعىنا سايكەس ونەركاسىپتىك قۇراستىرۋ تۋرالى كوپجاقتى كەلىسىمگە قول قويۋعا بولادى. ونەركاسىپتىك قۇراستىرۋعا كوشۋ مەرزىمى كوپجاقتى كەلىسىم تاراپتارىنىڭ ءبىرى قابىلداعان ەڭ جوعارعى مەرزىمنەن اسىپ كەتپەۋى ءتيىس.

«ازيا اۆتو» اق كاسىپورنىنىڭ ءوز مىندەتتەمەلەرىن ورىنداۋعا دايىن ەمەستىگىن ەسكەرە وتىرىپ، مىندەتتەمەلەر مەرزىمىن ۇزارتۋ ماقساتىندا 2017 جىلدىڭ باسىندا «ازيا اۆتو» اق مەن «ازيا اۆتو قازاقستان» اق موتورلى كولىك قۇرالدارىن ونەركاسىپتىك قۇراستىرۋ تۋرالى كوپجاقتى كەلىسىمگە قول قويۋ تۋرالى مينيسترلىككە ءوتىنىش ءبىلدىردى.

2017 جىلعى 7 ساۋىردە مينيسترلىك اتالعان كاسىپورىندارمەن «ازيا اۆتو» اق-نا كەلىسىم اياسىنداعى مىندەتتەمەلەر مەرزىمىن 2019 جىلعى 1 جەلتوقسانعا دەيىن ۇزارتۋعا مۇمكىندىك بەرەتىن كوپجاقتى كەلىسىمگە قول قويدى.

موتورلى  كولىك قۇرالدارىن ونەركاسىپتىك جيناۋ تۋرالى كەلىسىمنىڭ 2.1.3 تارماقتارىنا سايكەس ەسەپتى جىلدان كەيىنگى ءار كۇنتىزبەلىك جىلدىڭ 1 ساۋىرىنە دەيىن ءوندىرۋشى ۋاكىلەتتى ورگانعا جوسپاردىڭ ورىندالۋى تۋرالى - كەلىسىم كەزەڭدەرىن ىسكە اسىرۋ كەستەسىن ۇسىنۋعا مىندەتتى.

وسىلايشا، اعىمداعى جىلعى ساۋىردە ەسەپتى ۇسىنۋ بارىسىندا «ازيا اۆتو» اق-نىڭ موتورلى كولىك قۇرالدارىن ونەركاسىپتىك جيناۋ تۋرالى قول قويىلعان كوپجاقتى كەلىسىمگە سايكەس 10 جىلداي ۋاقىت بۇرىن وزىنە العان مىندەتتەمەلەرىن كەزەكتى رەت ورىنداماعانى راستالدى.

كەلىسىمنىڭ 4.3 تارماعىنا سايكەس كەلىسىم نورمالارى ورىندالماعان نەمەسە ءتيىستى دەڭگەيدە ورىندالماعان جاعدايدا ۋاكىلەتتى ورگان وندىرۋشىگە انىقتالعان بۇزۋشىلىقتاردى كورسەتە وتىرىپ، ولاردى 1 ايدىڭ ىشىندە جويۋ تۋرالى جازباشا تۇردە حابارلاما جىبەرەدى.

اتالعان حابارلاما «ازيا اۆتو» اق جانە «ازيا اۆتو قازاقستان» اق كاسىپورىندارىنىڭ مەكەنجايىنا اعىمداعى جىلعى 11 ساۋىردە جىبەرىلدى.

بۇيرىققا سايكەس انىقتالعان بۇزۋشىلىقتاردىڭ 1 اي ىشىندە جويىلماۋى نەمەسە ءتيىستى دەڭگەيدە اتقارىلماۋى قازاقستان رەسپۋبليكاسىنىڭ ازاماتتىق زاڭناماسىندا قاراستىرىلعان تارتىپكە ساي كەلىسىمدى بۇزۋعا جانە جەڭىلدىكتەر بەرۋدى توقتاتۋعا نەگىز بولادى.

جاسالعان كەلىسىم ەرەجەلەرىنە بايلانىستى «ازيا اۆتو» اق جانە «ازيا اۆتو قازاقستان» اق كاسىپورىندارى بۇل جونىندە حابارلاندىرىلدى.

دەي تۇرعانمەن، ونەركاسىپتىك قۇراستىرۋ تۋرالى كەلىسىمدى بۇزۋ كەيبىر ب ا ق پەن الەۋمەتتىك جەلىلەردە جازىلىپ جاتقانداي كاسىپورىن قىزمەتىن توقتاتۋ دەگەندى بىلدىرمەيدى. «ازيا اۆتو» اق كومپانياسى كولىك قۇرالدارى ءوندىرىسىن جالعاستىرۋعا، سونداي-اق «ازيا اۆتو قازاقستان» اق زاۋىت قۇرىلىسىن جالعاستىرۋعا تولىقتاي قۇقىلى. مينيسترلىك ءوز كەزەگىندە كورسەتىلگەن مىندەتتەمەلەر ورىندالعاننان كەيىن كەلىسىم جاساپ، جەڭىلدىكتەر ۇسىنۋ مۇمكىندىگىن قاراستىرۋعا دايىن.

ۋاكىلەتتى ورگان ورىنسىز تالقىلاۋلار مەن كوپە كورنەۋ جالعان اقپارات تاراتۋدان باس تارتۋعا شاقىرادى.

ق ر ييدم باسپا ءسوز قىزمەتى