Indoneziianyń esirtkige qarsy ulttyq agenttigi esirtki taratýǵa qatysy bar degen kúdikpen ustalǵan eki qazaqstandyqqa qatysty tergeý derekterin jariialady, dep habarlaidy Dalanews.kz.
The Bali Media málimetinshe, jergilikti turǵyndar kúdikti shetel azamattary týraly politsiiaǵa habarlaǵan. Osydan keiin quqyq qorǵaý organdary olardy baqylaýǵa alyp, bir kúni politseiler sheteldikterdiń jol shetinde toqtap, biriniń jerde bir nárse izdep, ekinshisiniń mototsiklde kútip turǵanyn baiqaǵan.
Olar oqiǵa ornynda ustalyp, tekseris barysynda shetel azamattarynan metamfetamin esirtkisi salynǵan 30 qaptama tabylǵan.
Tergeý barysynda qazaqstandyqtar Reseide ornalasqan halyqaralyq esirtki jelisine qatysy bar bolýy múmkin ekeni anyqtalǵan. Bul jeliniń basynda "EVIL" laqapatymen tanymal adam turǵany aityldy.
Ol qazir halyqaralyq izdeýde, al politsiia onyń áreketin Indoneziia aýmaǵynan tys jerden basqaratynyn boljap otyr.
Qazir eki qazaqstandyq qamaýǵa alynǵan. Olarǵa zańsyz esirtki ainalymy boiynsha aiyp taǵylyp otyr. Bul bap boiynsha 20 jylǵa deiin bas bostandyǵynan aiyrý jazasy qarastyrylǵan.
