يندونەزييانىڭ ەسٸرتكٸگە قارسى ۇلتتىق اگەنتتٸگٸ ەسٸرتكٸ تاراتۋعا قاتىسى بار دەگەن كٷدٸكپەن ۇستالعان ەكٸ قازاقستاندىققا قاتىستى تەرگەۋ دەرەكتەرٸن جارييالادى, دەپ حابارلايدى Dalanews.kz.
The Bali Media مەلٸمەتٸنشە, جەرگٸلٸكتٸ تۇرعىندار كٷدٸكتٸ شەتەل ازاماتتارى تۋرالى پوليتسيياعا حابارلاعان. وسىدان كەيٸن قۇقىق قورعاۋ ورگاندارى ولاردى باقىلاۋعا الىپ, بٸر كٷنٸ پوليتسەيلەر شەتەلدٸكتەردٸڭ جول شەتٸندە توقتاپ, بٸرٸنٸڭ جەردە بٸر نەرسە ٸزدەپ, ەكٸنشٸسٸنٸڭ موتوتسيكلدە كٷتٸپ تۇرعانىن بايقاعان.
ولار وقيعا ورنىندا ۇستالىپ, تەكسەرٸس بارىسىندا شەتەل ازاماتتارىنان مەتامفەتامين ەسٸرتكٸسٸ سالىنعان 30 قاپتاما تابىلعان.
تەرگەۋ بارىسىندا قازاقستاندىقتار رەسەيدە ورنالاسقان حالىقارالىق ەسٸرتكٸ جەلٸسٸنە قاتىسى بار بولۋى مٷمكٸن ەكەنٸ انىقتالعان. بۇل جەلٸنٸڭ باسىندا "EVIL" لاقاپاتىمەن تانىمال ادام تۇرعانى ايتىلدى.
ول قازٸر حالىقارالىق ٸزدەۋدە, ال پوليتسييا ونىڭ ەرەكەتٸن يندونەزييا اۋماعىنان تىس جەردەن باسقاراتىنىن بولجاپ وتىر.
قازٸر ەكٸ قازاقستاندىق قاماۋعا الىنعان. ولارعا زاڭسىز ەسٸرتكٸ اينالىمى بويىنشا ايىپ تاعىلىپ وتىر. بۇل باپ بويىنشا 20 جىلعا دەيٸن باس بوستاندىعىنان ايىرۋ جازاسى قاراستىرىلعان.
