Imamdar forýmynda QMDB qyzmetine jańa serpin beretin tujyrymdalyq qujattar qabyldandy
«QMDB osy kúnge deiin úsh ret imamdar forýmyn ótkizdi. «Rýhani qundylyqtar – qoǵam birliginiń negizi» atty III respýblikalyq imamdar forýmynyń aiasynda QMDB uiymdastyrýshylyq-ideologiialyq qyzmetine jańa serpin beretin birqatar mańyzy bar tujyrymdalyq qujat qabyldandy. Atap aitqanda, «Jeti rýhani qazyq» Qazaqstan musylmandarynyń rýhani tuǵyrnamasy qujaty – elimizdiń azamattaryna dástúrli rýhani qundylyq murasyn túsindirýge oń yqpal etedi», - deidi QMDB tóraǵasynyń orynbasary Ershat Ońǵarov.
Onyń aitýynsha, atalǵan qujat: «imandy», «otanshyl», «bilimdi», «aýyzbirshilik», «eńbekqor», «mádenietti», «ádildik» syndy qasietti 7 uǵymdy halyqqa keńinen túsindirý qarastyrylǵan.
«Birinshi, qujattaǵy «Imandy» uǵymy – adamnyń qoǵamdaǵy jáne kúndelikti ómirindegi is-áreketterin belgili-bir qalypqa túsiretin rýhani joldy aiqyndaidy.
Ekingshi, «Otanshyl» uǵymy – Otanǵa, týǵan eline, ósken jerine, salt-dástúri men mádenietine degen qurmet kórsetýdi sipattaidy.
Úshinshi, «Bilimdi» uǵymy – Islamdaǵy negizgi mindet retinde bilim alý qajettiligin negizdeidi.
Tórtinshi, «Aýyzbirshilik» uǵymy – qoǵamdaǵy turaqtylyqtyń kepili bolatyndyǵyn jáne elimizdiń jarqyn bolashaǵy búgingi yntymaqtastyq pen el birligine tikelei bailanysty ekendigin túsindiredi.
Besinshi, «Eńbekqor» uǵymy – halyqqa adal eńbek pen tabystyń erekshe máni týraly túsindiredi.
Altynshy, «Mádenietti» uǵymy – qoǵamda ózin-ózi ustai bilý, úlkenge qurmet kórsetý týraly atalyp ótiledi.
Jetinshi, «Ádildik» uǵymynda – negizgi tirek gýmanizmge jasalady. Ádildik joq jerde bereke bolmaidy. Sondai-aq ádildik qoǵamda quqyqqa qarsy áreketterdiń, teris paidalanýdyń jáne sybailas jemqorlyqtyń jolyn kesý boiynsha kúsh-jigermen sipattalatyndyǵyn aiqyn ashyp túsindiredi.
Atalǵan qujat jobasyn ilgeriletý maqsatynda óńirlerdegi ákimdikterdiń qoldaýymen birqatar seminarlar men dóńgelek ústelder ótkizildi. Osy is-sharalardyń aiasynda qujattyń negizgi qaǵidattary talqylanyp, halyqqa tereń túsindirildi. Buǵan qosa, aqparattyq-túsindirý toptarymen ótkiziletin jumystarda qoldanyldy.
Sonymen qatar, QMDB meshitterde ótkiziletin juma ýaǵyzdary kezinde imamdar atalǵan qujatty dindar azamattar arasynda túsindirý jumystaryn uiymdastyrdy. Atalǵan qujat elimizdiń musylman úmbeti arasynda keńinen qoldaý tapqanyn atap ótken jón.
