«قمدب وسى كۇنگە دەيىن ءۇش رەت يمامدار فورۋمىن وتكىزدى. «رۋحاني قۇندىلىقتار – قوعام بىرلىگىنىڭ نەگىزى» اتتى ءىىى رەسپۋبليكالىق يمامدار فورۋمىنىڭ اياسىندا قمدب ۇيىمداستىرۋشىلىق-يدەولوگيالىق قىزمەتىنە جاڭا سەرپىن بەرەتىن ءبىرقاتار ماڭىزى بار تۇجىرىمدالىق قۇجات قابىلداندى. اتاپ ايتقاندا، «جەتى رۋحاني قازىق» قازاقستان مۇسىلماندارىنىڭ رۋحاني تۇعىرناماسى قۇجاتى – ەلىمىزدىڭ ازاماتتارىنا ءداستۇرلى رۋحاني قۇندىلىق مۇراسىن تۇسىندىرۋگە وڭ ىقپال ەتەدى»، - دەيدى قمدب ءتوراعاسىنىڭ ورىنباسارى ەرشات وڭعاروۆ.
ونىڭ ايتۋىنشا، اتالعان قۇجات: «يماندى»، «وتانشىل»، «ءبىلىمدى»، «اۋىزبىرشىلىك»، «ەڭبەكقور»، «مادەنيەتتى»، «ادىلدىك» سىندى قاسيەتتى 7 ۇعىمدى حالىققا كەڭىنەن ءتۇسىندىرۋ قاراستىرىلعان.
«ءبىرىنشى، قۇجاتتاعى «يماندى» ۇعىمى – ادامنىڭ قوعامداعى جانە كۇندەلىكتى ومىرىندەگى ىس-ارەكەتتەرىن بەلگىلى-بىر قالىپقا تۇسىرەتىن رۋحاني جولدى ايقىندايدى.
ەكىنگشى، «وتانشىل» ۇعىمى – وتانعا، تۋعان ەلىنە، وسكەن جەرىنە، ءسالت-داستۇرى مەن مادەنيەتىنە دەگەن قۇرمەت كورسەتۋدى سيپاتتايدى.
ءۇشىنشى، «ءبىلىمدى» ۇعىمى – يسلامداعى نەگىزگى مىندەت رەتىندە ءبىلىم الۋ قاجەتتىلىگىن نەگىزدەيدى.
تءورتىنشى، «اۋىزبىرشىلىك» ۇعىمى – قوعامداعى تۇراقتىلىقتىڭ كەپىلى بولاتىندىعىن جانە ەلىمىزدىڭ جارقىن بولاشاعى بۇگىنگى ىنتىماقتاستىق پەن ەل بىرلىگىنە تىكەلەي بايلانىستى ەكەندىگىن تۇسىندىرەدى.
بەسىنشى، «ەڭبەكقور» ۇعىمى – حالىققا ادال ەڭبەك پەن تابىستىڭ ەرەكشە ءمانى تۋرالى تۇسىندىرەدى.
التىنشى، «مادەنيەتتى» ۇعىمى – قوعامدا ءوزىن-وزى ۇستاي ءبىلۋ، ۇلكەنگە قۇرمەت كورسەتۋ تۋرالى اتالىپ وتىلەدى.
جەتىنشى، «ادىلدىك» ۇعىمىندا – نەگىزگى تىرەك گۋمانيزمگە جاسالادى. ادىلدىك جوق جەردە بەرەكە بولمايدى. سونداي-اق ادىلدىك قوعامدا قۇقىققا قارسى ارەكەتتەردىڭ، تەرىس پايدالانۋدىڭ جانە سىبايلاس جەمقورلىقتىڭ جولىن كەسۋ بويىنشا كۇش-جىگەرمەن سيپاتتالاتىندىعىن ايقىن اشىپ تۇسىندىرەدى.
اتالعان قۇجات جوباسىن ىلگەرىلەتۋ ماقساتىندا وڭىرلەردەگى اكىمدىكتەردىڭ قولداۋىمەن ءبىرقاتار سەمينارلار مەن دوڭگەلەك ۇستەلدەر وتكىزىلدى. وسى ءىس-شارالاردىڭ اياسىندا قۇجاتتىڭ نەگىزگى قاعيداتتارى تالقىلانىپ، حالىققا تەرەڭ ءتۇسىندىرىلدى. بۇعان قوسا، ءاقپاراتتىق-تۇسىندىرۋ توپتارىمەن وتكىزىلەتىن جۇمىستاردا قولدانىلدى.
سونىمەن قاتار، قمدب مەشىتتەردە وتكىزىلەتىن جۇما ۋاعىزدارى كەزىندە يمامدار اتالعان قۇجاتتى ءدىندار ازاماتتار اراسىندا ءتۇسىندىرۋ جۇمىستارىن ۇيىمداستىردى. اتالعان قۇجات ەلىمىزدىڭ مۇسىلمان ۇمبەتى اراسىندا كەڭىنەن قولداۋ تاپقانىن اتاپ وتكەن ءجون.
