Ilham Áliev: «Taýly Qarabaqtaǵy 40 eldimekendi qaitaryp aldyq»
Ázirbaijan prezidenti armian-ázirbaijan qaqtyǵysyn Túrkiia sheshýi múmkin. Biraq Baký men Ankara Ázirbaijan aýmaǵynan túriktiń áskeri bazasyn qurý jóninde eshqashan kelissóz júrgizbegen. France 24 kanalyna bergen suhbatynda Áliev Túrkiia áskeri qaqtyǵysqa qatysyp jatqan joq dep atap ótti.
Al Taýly Qarabaq ókili Stepanakertta Ázirbaijan tarapy taǵy da áskeri soqqy bergenin aitýda. Sondai-aq olar Bakýdyń beibit turǵyndarǵa oq atty degen málimdemesin teriske shyǵardy.
Taýly Qarabaqtaǵy qaqtyǵys 27 qyrkúiekte bastalǵan. Armeniia men Ázirbaijan shielenisti birinshi bolyp bastady dep aiyptaidy.
Armeniia men Ázirbaijan arasyndaǵy Taýly Qarabaq daýy Keńes dáýirinen jalǵasyp keledi. 1988 jyly bastalyp, 1994 jyly aiaqtalǵan soǵys kezinde 30 myńǵa jýyq adam qaza tapty, júzdegen myń adam bosqynǵa ainalǵan. Negizinen armiandar turatyn aimaq 1991 jyly Ázirbaijannan bólinip shyǵatynyn málimdedi, biraq álemniń eshqandai eli ony moiyndaǵan joq. Halyqaralyq quqyqqa sáikes, Taýly Qarabaq – Ázirbaijan jeri.
