Reseidiń Syrtqy ister ministrligine Ilon Maskqa saiasi baspana berý týraly resmi suraý tústi. Bul týraly Sankt-Peterbýrg halyqaralyq ekonomikalyq forýmynda Memlekettik dýma tóraǵasynyń orynbasary Vladislav Davankov málimdedi, dep habarlaidy Dalanews.kz.
"Menińshe, Ilon Mask qatelikter jibergen shyǵar, biraq ondai qatelikterdi keshire bilý kerek. Eger bul múmkin bolmasa, biz ony árdaiym qýana qarsy alamyz. Ol tehnologiialyq damýy men bolashaqty boljaý qabileti jaǵynan óte erekshe tulǵa", – dedi depýtat.
Maskqa naqty kim baspana surap ótinish jasaǵany aitylmady. Biraq Davankovtyń aitýynsha, Syrtqy ister ministrliginiń jaýaby bir ai ishinde belgili bolady. Mask bul jaǵdaiǵa qatysty ázirge pikir bildirmedi. Resei SIM de resmi málimdeme jasaǵan joq.
Aita keteiik, osy aidyń basynda AQSh prezidenti men SpaceX negizin qalaýshy Ilon Mask arasynda daý týyndaǵan. Olar birin-biri aiyptap, keiin tatýlasqan bolatyn.
Buǵan deiin Resei men Iran Irannyń joǵarǵy kóshbasshysy Aiatolla Ali Hameneige baspana berý týraly kelissóz júrgizip jatqany týraly aqparat taraǵan.
