Ilon Maskqa tiesili SpaceX kompaniiasy jasandy intellekt baǵytynda jumys isteitin xAI firmasyn satyp aldy. Aita keteiik, eki kompaniianyń da negizin qalaǵan Ilon Masktyń ózi, dep habarlaidy Dalanews.kz.
Kompaniianyń málimdeýinshe, bul birigý ǵarysh pen zamanaýi tehnologiialardy bir júiege toptastyrýǵa múmkindik beredi. Iaǵni zymyrandar, spýtniktik bailanys, jasandy intellekt ázirlemeleri jáne derekterdi óńdeýge arnalǵan infraqurylym bir tizbekke biriktiriledi.
Masktyń aitýynsha, mundai qadam ǵaryshta derekter ortalyqtaryn damytýǵa jol ashady. Bul ortalyqtar jasandy intellektke qajet úlken esepteý qýattaryn qamtamasyz ete alady.
Onyń boljamynsha, aldaǵy 2–3 jyl ishinde jasandy intellekt úshin esepteý qýatyn alýdyń eń arzan ári tiimdi joly dál ǵaryshta ornalasqan júieler bolýy múmkin. Iaǵni bolashaqta serverler jer betinde emes, ǵaryshta jumys isteýi ǵajap emes.
