Túrkistan oblysynyń shalǵai aýyldarynda ornylasqan mektepteri elimizde alǵashqylardyń qatarynda Ilon Masktyń Starlink spýtniktik internetine qosyla bastady,dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Óńirdegi 911 memlekettik mekteptiń barlyǵy internet jelisimen qamtylǵan. Onyń ishinde 581 mektepke talshyqty-optikalyq bailanys jelisi arqyly jyldamdyǵy 20-80 Mbit/s aralyǵyndaǵy internet jelisi ornatylǵan. 33 mektep jýyrda optikamen qamtylady.
Budan bólek, 330 mektep shalǵai jáne taýly aýmaqtarda ornalasýyna bailanysty, tehnikalyq múmkindigine qarai jyldamdyǵy 512 Kb/s - 20 Mbit/s quraityn tómen jyldamdyqty internet jelisimen qamtylǵan. Osy bilim uialarynyń 200-den astamy Ilon Masktyń Starlink spýtniktik internetine qosyldy. Bul elimizdegi eń úlken kórsetkish. Qalǵan aýyldar sáýir aiynyń sońynda jańǵa jeolige tolyq qosylyp, Túrkistan oblysynda mekteptedegi internet máselesi tolyq sheshiledi.
Memleket basshysy Qasym-Jomart Toqaev 2023 jylǵy 5 qazanda ótken Respýblikalyq pedagogter sezinde barlyq orta bilim berý mekemelerin sapaly ári joǵary jyldamdyqty internet jelisimen qamtýdy tapsyrǵan bolatyn.
Prezident tapsyrmasynyń ýaqtyly oryndalýy oblys ákimi Darhan Satybaldynyń tikelei baqylaýynda.
Osy oraida, Túrkistan oblysy ákimi apparatynyń basshysy Erkeǵali Álimqulov Qazyǵurt jáne Tólebi aýdandaryna issaparmen baryp, bilim uialaryn sapaly internet jelisimen qamtý jumystarymen tanysty.
Aldymen, apparat basshysy Qazyǵurt aýdany, Eńbek eldi mekenindegi «Eńbek» jalpy orta bilim berý mektebinde boldy. Munda «Respýblikalyq ǵaryshtyq bailanys ortalyǵy» AQ arqyly SpaceX kompaniiasynyń Starlink spýtniktik internet jelisi elimizde alǵashqylardyń biri bolyp ornatylǵan. Internet jelisiniń jumysymen tanysyp, mektep oqýshylarymen jáne olardyń ata-analarymen tildesti.
– Elimizde alǵashqylardyń biri bolyp Túrkistan oblysynyń bilim uialarynda Starlink spýtniktik internet jelisi ornatyla bastady. Túrkistan oblysy ákimdigi, QR Tsifrlyq damý, innovatsiialar jáne aeroǵarysh ónerkásibi ministrligi jáne QR Oqý-aǵartý ministrligimen birlese otyryp, oblys aýmaǵyndaǵy radiokópir tehnologiiasy arqyly jáne tómen jyldamdyqty internet jelisimen qamtylǵan shekara mańynda jáne shalǵai, taýly aimaqtarda ornalasqan 330 orta bilim berý uiymyn «Respýblikalyq ǵaryshtyq bailanys ortalyǵy» AQ arqyly SpaceX kompaniiasynyń Starlink spýtniktik internet jelisimen qamtý jumystary júrgizilýde. Qazirgi tańda oblys aýmaǵynda 203 mektepte Starlink spýtniktik internet jelisiniń qurylǵylary ornatylǵan. Qalǵan mektepterde internet jelisiniń qurylǵylaryn ornatýdy biyl sáýir aiynyń sońyna deiin aiaqtaý josparlanýda, – degen Erkeǵali Álimqulov qala men aýyl turǵyndarynyń sapaly bilim alýyna birdei múmkindik jasalatynyn aitty.
Buǵan deiin «Eńbek» jalpy orta bilim berý mektebinde «Qazaqtelekom» AQ bailanys operatorynyń tehnikalyq múmkindigine qarai radiokópir tehnologiiasymen 20 Mbit/s deiingi internet jelisimen qamtylǵan bolatyn. Endi bilim oshaǵy jyldamdyǵy 200 Mbit/s joǵary bolatyn Starlink spýtniktik internetimen qamtyldy.
Apparat basshysynyń aýdandarǵa jumys sapary Tólebi aýdanynda jalǵasty. Ol Tólebi aýdany, Kielitas aýyldyq okrýgi, Sultanrabat eldi mekenindegi «Jylanbuzǵan» jalpy orta bilim berý mektebin internet jelisimen qamtý jumystaryn tekserip, mektep ujymymen jáne oqýshylarmen kezdesti. Atalǵan mektep buǵan deiin radiokópir tehnologiiasymen 20 Mbit/s deiingi internet jelisimen qamtylǵan edi. Búginde munda «Respýblikalyq ǵaryshtyq bailanys ortalyǵy» AQ arqyly SpaceX kompaniiasynyń Starlink spýtniktik interneti ornatyldy. Endi mektep ujymy men oqýshylar internet jelisin kedergisiz qoldanýǵa múmkindik aldy. Aýyl turǵyndary men mektep oqýshylary el Prezidenti men oblys basshylyǵyna alǵystaryn bildirdi.
Bul bastama Túrkistan oblysynyń árbir oqýshysy úshin teń múmkindikter jasaý arqyly, bilim berý protsesin tsifrlandyrý jáne tsifrlyq teńsizdikti joiý baǵytyndaǵy mańyzdy qadam bolmaq. Jumystar jalǵasyn tabady.
