Meiirjan Iiabaiuly týrizm salasynyń negizgi indikatorlary aldyńǵy jyldarmen salystyrǵanda ósip jatqanyn aitty.
– 2019 jyldyń 11 aiynda ornalastyrý jáne tamaqtaný oryndaryna tartylǵan investitsiia kólemi 13 mlrd teńgeni qurap, respýblikada úzdik úshtikke kirip otyrmyz. «Túrkistan-Otyrar» baǵytynda tarihi-mádeni, Saryaǵash kýrorty aýmaǵynda emdik-saýyqtyrý, Túlkibas, Tólebi aýdandarynda ekologiialyq týrizm túrleri qarqyndy damyp keledi, – dedi oblys ákiminiń orynbasary.
Jalpy oblysta 168 qonaq úi, 51 shipajai, 60 demalys bazasy qyzmet kórsetedi. Ekologiialyq, tarihi-tanymdyq týrizm baǵytynda 57 týristik marshrýt ázirlengen.
Biyl 20 ornalastyrý oryndaryn ashý josparlanýda. Olardyń qatarynda 8 qonaq úi jańadan iske qosylsa, 7 qonaq úi qaita jóndeýden ótkiziledi. 5 emdik-saýyqtyrý orny ashylady.
Qazirgi tańda, Túrkistan qalasynda týristerge tolyq aqparat usynatyn «Vizit ortalyqtyń», «Uly Jibek jolynyń ulttyq dástúrli qolóner ortalyǵynyń», halyqaralyq áýejaidyń, «Iassaýi murajaiynyń» jáne t.b. nysandardyń qurylysy júrgizilýde.
Túrkistan oblysynyń Óńirlik kommýnikatsiialar qyzmeti
