مەيىرجان ياباي ۇلى تۋريزم سالاسىنىڭ نەگىزگى ينديكاتورلارى الدىڭعى جىلدارمەن سالىستىرعاندا ءوسىپ جاتقانىن ايتتى.
– 2019 جىلدىڭ 11 ايىندا ورنالاستىرۋ جانە تاماقتانۋ ورىندارىنا تارتىلعان ينۆەستيسيا كولەمى 13 ملرد تەڭگەنى قۇراپ، رەسپۋبليكادا ۇزدىك ۇشتىككە كىرىپ وتىرمىز. «تۇركىستان-وتىرار» باعىتىندا تاريحي-مادەني، سارىاعاش كۋرورتى اۋماعىندا ەمدىك-ساۋىقتىرۋ، تۇلكىباس، تولەبي اۋداندارىندا ەكولوگيالىق تۋريزم تۇرلەرى قارقىندى دامىپ كەلەدى، – دەدى وبلىس اكىمىنىڭ ورىنباسارى.
جالپى وبلىستا 168 قوناق ءۇي، 51 شيپاجاي، 60 دەمالىس بازاسى قىزمەت كورسەتەدى. ەكولوگيالىق، تاريحي-تانىمدىق تۋريزم باعىتىندا 57 تۋريستىك مارشرۋت ازىرلەنگەن.
بيىل 20 ورنالاستىرۋ ورىندارىن اشۋ جوسپارلانۋدا. ولاردىڭ قاتارىندا 8 قوناق ءۇي جاڭادان ىسكە قوسىلسا، 7 قوناق ءۇي قايتا جوندەۋدەن وتكىزىلەدى. 5 ەمدىك-ساۋىقتىرۋ ورنى اشىلادى.
سونداي-اق، تۇركىستان قالاسىندا ورنالاستىرۋ ورىندارىن حالىقارالىق تالاپتارعا سايكەستەندىرۋ ءۇشىن قوناق ۇيلەر كۇردەلى جوندەۋدە وتكىزىلۋدە.
قازىرگى تاڭدا، تۇركىستان قالاسىندا تۋريستەرگە تولىق اقپارات ۇسىناتىن «ۆيزيت ورتالىقتىڭ»، «ۇلى جىبەك جولىنىڭ ۇلتتىق ءداستۇرلى قولونەر ورتالىعىنىڭ»، حالىقارالىق اۋەجايدىڭ، «ياسساۋي مۇراجايىنىڭ» جانە ت.ب. نىسانداردىڭ قۇرىلىسى جۇرگىزىلۋدە.
تۇركىستان وبلىسىنىڭ وڭىرلىك كوممۋنيكاسيالار قىزمەتى
