Bul týraly «Kóne Túrkistan – jańa múmkindikter» atty Halyqaralyq investitsiialyq jəne týristik forýmda belgili boldy. Jiynda Eýraziialyq ekonomikalyq yntymaqtastyq uiymynyń bas hatshysy Vladimir Piskýrev málimdeme jasap, oblys ákimi Janseiit Túimebaevqa mártebeli sertifikatty saltanatty túrde tapsyrdy.
– Sonymen qatar, týrister úshin erekshe tartymdy nysandardyń búkilálemdik tizimine Arystan bab kesenesi men kóne Otyrar qalashyǵy da kirgen. Olardyń da sertifikattary óńir basshysyna tapsyryldy.
Oblys ákimi Janseiit Túimebaev «Bul mártebe jańadan qurylǵan Túrkistan oblysynyń týristik áleýetin kóterýge zor yqpal etedi. Bir oblystan birden úsh nysannyń halyqaralyq deńgeide moiyndalýy bizdiń ǵana emes, Qazaqstannyń maqtanyshy ekeni daýsyz. Týrizm salasy da el ekonoikasyna qomaqty úles qosatyn kez alys emes» dedi.
Bul ataq óńirge keletin týristerdiń sanyn arttyra túsýge sep bolatynyn aitady mamandar.
Túrkistan oblysy ákiminiń baspasóz qyzmeti
