«Iasaýitaný – 2018» baiqaýy bastaldy
Saiysqa Ózbekstan, Túrkiia, Qyrǵyzstan Respýblikalarynan, sondai-aq elimizdiń Astana, Almaty, Shymkent qalalary men Aqmola, Almaty, Aqtóbe, Qaraǵandy, Qostanai, Qyzylorda, Shyǵys Qazaqstan jáne Túrkistan oblystarynan 41 oqýshy qatysýda.
"Áziret Sultan" memlekettik tarihi-mádeni qoryq-mýzeii uiymdastyryp otyrǵan «Iasaýitaný – 2018» Halyqaralyq bilim jáne óner saiysynyń maqsaty – Qoja Ahmet Iasaýidiń rýhani murasy men ilimin, «Áziret Sultan» kesenesine jerlengen dara tulǵalardyń eli úshin atqarǵan eńbekterin tanytý. Sonymen qatar, Túrkistan qalasynyń tarihy men Ámir Temir dáýirinen qalǵan qundy ortaǵasyrlyq jádigerlerdi nasihattaý.
Baiqaý eki kezeńnen turady. Birinshi kezeńde oqýshylar esh múdirmei, qatesiz Qoja Ahmet Iasaýi hikmetterin jatqa aitý jaǵynan saiysqa tússe, ekinshi kezeńde suraq-jaýap túrinde Qoja Ahmet Iasaýidiń ómiri men shyǵarmalaryna, hikmetterindegi uǵymdarǵa, Qoja Ahmet Iasaýi kesenesi men ondaǵy jádigerlerge qatysty suraqtarǵa jaýap beredi. Baiqaý sońynda jeńimpazdar arnaiy diplommen, al jetekshilik jasaǵan ustazdar sertifikatpen marapattalady.
Jiyrma eki jyldyq tarihy bar «Iasaýitaný» baiqaýy 1996 jyldan bastaý alady. Bastapqy kezde qala mektepteri arasynda uiymdastyrylǵan saiys 2006 jyly aýdanaralyq, 2007-2008 jyldary oblystyq, 2009-2015 jyldary respýblikalyq, 2016 jyldan bastap halyqaralyq deńgeide ótýde.
Túrkistan oblysy ákiminiń baspasóz qyzmeti
