Iana Legkodimovanyń asa qatygezdikpen óltirilýi boiynsha ómir boiyna bas bostandyǵynan aiyrylǵan sottalǵandar úkimge apelliatsiialyq shaǵym túsirdi. Bul týraly jábirlenýshi taraptyń ókili Ajar Ábdil habarlady, dep habarlaidy Dalanews.kz.
Onyń aitýynsha, aiyptalýshylar men olardyń qorǵaýshylary aldyn ala apelliatsiialyq shaǵym bergen.
«Qylmystyq ister boiynsha úkim jariialanǵan kúnnen bastap 15 kún ishinde shaǵym túsirýge múmkindik beriledi. Úkim 17 qarashada shyqty. Qorǵaý tarapy úkimmen tolyq tanysqannan keiin apelliatsiialyq shaǵymdy tolyqtyryp, óz ýájderin keńinen usynýy múmkin. Qazirgi tańda tek aldyn ala apelliatsiialyq shaǵym bar», – dedi jábirlenýshi taraptyń ókili.
Ajar Ábdildiń sózinshe, qorǵaý tarapynyń negizgi talaby – ómir boiǵy jazany jeńilirek jazaǵa aýystyrý.
«Meniń bilýimshe, apelliatsiialyq shaǵymda qorǵaý tarapy ómir boiyna bas bostandyǵynan aiyrý jazasyn belgili bir merzimge bas bostandyǵynan aiyrýmen almastyrýdy surap otyr», – dep túsindirdi ol.
Eske salaiyq, 17 qarashada Atyraý soty 24 jastaǵy Rizýan Hairjanov pen 25 jastaǵy Altynbek Katimovty asa aýyr qylmystar jasaǵany úshin kináli dep tanydy.
Olar:
Qylmystyq kodekstiń 99-baby 2-bóliginiń 7-tarmaǵy – aldyn ala sóz bailasý arqyly adamdar toby bolyp adam óltirý;
202-baby 2-bóliginiń 6-tarmaǵy – aldyn ala sóz bailasý arqyly bótenniń múlkin qasaqana joiý baptary boiynsha aiyptalǵan.
Aiyptardyń jiyntyǵy boiynsha sot árqaisyna tótenshe qaýipsizdik mekemesinde ómir boiyna bas bostandyǵynan aiyrý jazasyn taǵaiyndady.
Sot marqumnyń anasy Galina Legkodimovanyń azamattyq talabyn ishinara qanaǵattandyrdy. Úkimge sáikes, sottalǵandar 1 mln 955 myń teńge materialdyq shyǵyndy jáne árqaisysy 15 mln teńgeden moraldyq ótemaqyny ortaq tártippen tóleýge mindetteldi.
