يانا لەگكوديموۆانىڭ اسا قاتىگەزدٸكپەن ٶلتٸرٸلۋٸ بويىنشا ٶمٸر بويىنا باس بوستاندىعىنان ايىرىلعان سوتتالعاندار ٷكٸمگە اپەللياتسييالىق شاعىم تٷسٸردٸ. بۇل تۋرالى جەبٸرلەنۋشٸ تاراپتىڭ ٶكٸلٸ اجار ەبدٸل حابارلادى, دەپ حابارلايدى Dalanews.kz.
ونىڭ ايتۋىنشا, ايىپتالۋشىلار مەن ولاردىڭ قورعاۋشىلارى الدىن الا اپەللياتسييالىق شاعىم بەرگەن.
«قىلمىستىق ٸستەر بويىنشا ٷكٸم جارييالانعان كٷننەن باستاپ 15 كٷن ٸشٸندە شاعىم تٷسٸرۋگە مٷمكٸندٸك بەرٸلەدٸ. ٷكٸم 17 قاراشادا شىقتى. قورعاۋ تاراپى ٷكٸممەن تولىق تانىسقاننان كەيٸن اپەللياتسييالىق شاعىمدى تولىقتىرىپ, ٶز ۋەجدەرٸن كەڭٸنەن ۇسىنۋى مٷمكٸن. قازٸرگٸ تاڭدا تەك الدىن الا اپەللياتسييالىق شاعىم بار», – دەدٸ جەبٸرلەنۋشٸ تاراپتىڭ ٶكٸلٸ.
اجار ەبدٸلدٸڭ سٶزٸنشە, قورعاۋ تاراپىنىڭ نەگٸزگٸ تالابى – ٶمٸر بويعى جازانى جەڭٸلٸرەك جازاعا اۋىستىرۋ.
«مەنٸڭ بٸلۋٸمشە, اپەللياتسييالىق شاعىمدا قورعاۋ تاراپى ٶمٸر بويىنا باس بوستاندىعىنان ايىرۋ جازاسىن بەلگٸلٸ بٸر مەرزٸمگە باس بوستاندىعىنان ايىرۋمەن الماستىرۋدى سۇراپ وتىر», – دەپ تٷسٸندٸردٸ ول.
ەسكە سالايىق, 17 قاراشادا اتىراۋ سوتى 24 جاستاعى ريزۋان حايرجانوۆ پەن 25 جاستاعى التىنبەك كاتيموۆتى اسا اۋىر قىلمىستار جاساعانى ٷشٸن كٸنەلٸ دەپ تانىدى.
ولار:
قىلمىستىق كودەكستٸڭ 99-بابى 2-بٶلٸگٸنٸڭ 7-تارماعى – الدىن الا سٶز بايلاسۋ ارقىلى ادامدار توبى بولىپ ادام ٶلتٸرۋ;
202-بابى 2-بٶلٸگٸنٸڭ 6-تارماعى – الدىن الا سٶز بايلاسۋ ارقىلى بٶتەننٸڭ مٷلكٸن قاساقانا جويۋ باپتارى بويىنشا ايىپتالعان.
ايىپتاردىڭ جيىنتىعى بويىنشا سوت ەرقايسىنا تٶتەنشە قاۋٸپسٸزدٸك مەكەمەسٸندە ٶمٸر بويىنا باس بوستاندىعىنان ايىرۋ جازاسىن تاعايىندادى.
سوت مارقۇمنىڭ اناسى گالينا لەگكوديموۆانىڭ ازاماتتىق تالابىن ٸشٸنارا قاناعاتتاندىردى. ٷكٸمگە سەيكەس, سوتتالعاندار 1 ملن 955 مىڭ تەڭگە ماتەريالدىق شىعىندى جەنە ەرقايسىسى 15 ملن تەڭگەدەن مورالدىق ٶتەماقىنى ورتاق تەرتٸپپەن تٶلەۋگە مٸندەتتەلدٸ.
