Atyraýda Iana Legkodimovanyń ólimine qatysty sot úkimi shyqty, dep habarlaidy Dalanews.kz.
24 jastaǵy Rizýan Hairjanov pen 25 jastaǵy Altynbek Qatimov asa aýyr qylmys jasaǵany úshin kináli dep tanylyp, ómir boiyna bas bostandyǵynan aiyryldy.
Eske salaiyq, buǵan deiin istiń mán-jaiyn jazǵan edik.
Tergeý málimetinshe, Iana 2024 jylǵy 18 qazanda úiinen tanysynyń qońyraýynan keiin shyǵyp ketip, qaita oralmaǵan. Kúdiktiler - 24 jáne 25 jastaǵy eki er adam. Tergeý málimeti boiynsha olardyń biri qyzdy kólikte tunshyqtyrǵan, ekinshisi esikti jaýyp turǵan. Keiin súiekti Taldykól mańyndaǵy Jaiyq ózenine tastaǵan.
Marqumnyń súiegi segiz aidan keiin, 2025 jylǵy maýsymda tabyldy.
