Jahandyq qaqtyǵys ýshyǵyp, iadrolyq soǵys qaýpi týyndasa, eń qaýipsiz bolýy múmkin boljamdy memleketterdiń tizimi jariialandy, dep habarlaidy Dalanews.kz.
Bul tizimdi Daily Mail britanyq basylymy jariialady. Qaýipsiz elder tizimine Shveitsariia, Indoneziia jáne Býtan jatqyzylypty.
Shveitsariia árbir turǵynyn keń aýqymdy bombadan qorǵaný júiesimen qamtamasyz etken.
Argentina men Chili ózderiniń ornalasýy men aýylsharýashylyq resýrstaryna bailanysty tirshilik etý úshin eń perspektivaly elderdiń qataryna enedi. Júzdegen iadrolyq bomba jarylǵanda atmosferaǵa kóterilgen shań-tozań kún betin jabady, sóitip qatty sýyq pen jahandyq ashtyq týýy múmkin. Osyndaida qystaǵy iadrolyq soǵystan jyraqta jatqan Chili men Argentina qunarly jeri men bidai siiaqty eń qajetti daqyldarymen apattan keiingi qiyndyqtardy jeńýge múmkindik bere alady
Sonymen qatar, Chili Ońtústik Amerika elderi arasynda tehnologiialyq damý jaǵynan joǵary deńgeiine ie, bul tótenshe jaǵdailarda azamattarǵa qiynshylyqtarmen kúresýde áldeqaida artyqshylyq bere alady. Ońtústik Afrika Respýblikasyn da bul tizimnen kórýge bolady. Bul elde tushy sýdyń edáýir qory, qunarly topyraq bar, azyq-túlik qory da jetkilikti. Ońtústik Afrikanyń ornalasý núktesiniń ózi jahandyq shielenistiń oǵan kóp áser ete qoimaitynyn aiǵaqtaidy.
Fidji, Islandiia jáne Jańa Zelandiia siiaqty shalǵai araldarda ornalasqan memleketter eń qaýipsiz jerlerdiń biri retinde belgilenipti. Olardy geografiialyq turǵyda oqshaý ornalasýy, jahandyq shielenisterge az tartylýy, turaqty resýrstardyń bolýy eń qolaily jer etedi. Grenlandiia da osyndai aimaqtardyń qataryna jatady. Táýelsiz memleket bolmasa da, onyń qashyqta jatýy qaýipsizdik múmkindigin arttyrady.
Aita ketsek, 22 qarashada Resei prezidenti Vladimir Pýtin Ýkrainadaǵy qaqtyǵystyń ǵalamdyq sipatqa ie bolǵanyn málimdegen edi.
Osylaisha Resei prezidenti Ýkrainamen qazirgi qarym-qatynastyń jaǵdaiyn sipattady. Buǵan deiin ol Ýkraina 19 jáne 21 qarashada Kýrsk jáne Briansk oblystaryndaǵy nysandarǵa batystyq zymyrandarmen soqqy jasaǵanyn rastaǵan edi.
Onyń aitýynsha, Resei kúshteri buǵan jaýap retinde soqqy bergen, onyń ishinde tájiribelik qarý qoldanylǵan. RF “Oreshnik” iadrolyq emes giperdybystyq ballistikalyq zymyranmen Ońtústik mashina jasaý zaýytyna jáne Ýkrainanyń qorǵanys-ónerkásiptik kesheniniń nysanyna biriktirilgen soqqy jasaǵan.
Pýtin Resei eskalatsiiaǵa jaýap beretinin jáne óziniń nysandaryna sheteldik qarýdy qoldanýǵa ruqsat bergen elderdiń nysandaryna qarý qoldanýǵa quqyǵy bar dep esepteitinin atap ótti.
Sonymen qatar, ol Resei “Oreshnik” siiaqty júielermen soqqy jasaityn kezde Ýkrainanyń beibit turǵyndaryna qaýipti aimaqty aldyn ala tastap shyǵýdy usynatynyn aitty.
Qoryta aitqanda Pýtin málimdemesinde:
- "Ýkraina Batystyń alysty kózdeitin zymyrandarymen Reseige soqqy jasady"
- "Kýrski jáne Brianski oblystaryna qarata amerikalyq ATACMS-tar atyldy. Biraq olar kózdegen maqsattaryna jetpedi. Bizdiń ÁShQQJ qaǵyp túsirdi"
- "Onan soń Ulybritaniianyń alysty kózdeitin Storm Shadow zymyrandary atyldy. Olar da nátijesiz boldy"
- "Mamandar biledi. Bul zymyrandardy Batystyń, óndirýshi eldiń kómeginsiz atý múmkin emes"
- "Biz eskerttik. Alǵash ret zamanaýi hám teńdessiz kontinentaralyq “Oreshnik” balistikalyq zymyranymen Ýkrainanyń Dneprine soqqy jasadyq. Bul bizdiń jaýabymyz!"
- "Biz osy jáne osyndai jańa ári zamanaýi zymyrandardy qoldanarda halyqqa aldyn ala eskertemiz!"
- "Bul joly biz iadrolyq oqtumsyqtar qoldanbadyq"
